ଧୈର୍ଯ୍ୟର ସହ କରୋନା ବିପତ୍ତିକୁ ମୁକାବିଲା କରୁଥିବାରୁ ରାଜ୍ୟବାସୀଙ୍କୁ ଧନ୍ୟବାଦ ଜଣାଇଲେ ନବୀନ

ଭୁବନେଶ୍ୱର: ଚାରିଆଡେ ମହାମାରୀ କରୋନାକୁ ନେଇ ଲାଗିଛି ହା ହା କାର । ଏଭଳି ସ୍ଥିତିରେ ଓଡ଼ିଶାରେ କରୋନା ବିପତ୍ତିକୁ ରାଜ୍ୟବାସୀ ଧୈର୍ଯ୍ୟର ସହ ମୁକାବିଲା କରୁଛନ୍ତି । ଏଥିପାଇଁ ସାଢ଼େ ୪ କୋଟି ଓଡ଼ିଶାବାସୀଙ୍କୁ ଧନ୍ୟବାଦ ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ଏଥିସହ ବିଜୁ ଜନତା ଦଳର ସମସ୍ତ କର୍ମୀ ଓ ଶୁଭେଚ୍ଛୁଙ୍କୁ ନିଜ ନିଜ ଅଂଚଳରେ ଜଣେ ବି ବ୍ୟକ୍ତିଙ୍କୁ ଭୋକିଲା ରହିବାକୁ ଦିଅନ୍ତୁ ନାହିଁ ବୋଲି ନବୀନ ନିବେଦନ କରିଛନ୍ତି । ଏଥିସହ ସ୍ୱାସ୍ଥ୍ୟ ବିଭାଗ ଦ୍ୱାରା ଜାରି ହୋଇଥିବା ଗାଇଡଲାଇନ୍‌କୁ ସମସ୍ତେ ପାଳନ କରନ୍ତୁ । ଯଦି କୌଣସି ଜରୁରୀ କମରେ ଘରୁ ବାହାରକୁ ବାହାରୁଛନ୍ତି ତେବେ ମୁହଁରେ ମାସ୍କ ନିଶ୍ଚୟ ପିନ୍ଧନ୍ତୁ ବୋଲି ରାଜ୍ୟବାସୀ ନିବେଦନ କରିଛନ୍ତି ନବୀନ ।

ସେପଟେ ସମସ୍ତ ନିର୍ବାଚିତ ପ୍ରତିନିଧି, ପୌର ପରିଷଦ, ମହାନଗର ନିଗମର ସମସ୍ତ ପ୍ରତିନିଧି ବ୍ଲକ ଚେୟାରମେନ ତଥା ଦଳର ସମସ୍ତ କର୍ମୀଙ୍କୁ ସାମାଜିକ ଦାୟିତ୍ୱ ନିର୍ବାହ କରିବା ସହ ଜୀବନ ବିନ୍ଦୁ କାର୍ଯ୍ୟକ୍ରମ ମାଧ୍ୟମରେ ରକ୍ତ ଅଭାବକୁ ମୁକାବିଲା କରିବା ପାଇଁ ନବୀନ ନିର୍ଦ୍ଦେଶ ଦେଇଛନ୍ତି ।