ମୁମ୍ବାଇ: ଫିଲ୍ମ ‘ପଠାନ’ରେ ଗେରୁଆ ରଙ୍ଗର ବିକିନି ପିନ୍ଧି ବେସରମ ରଙ୍ଗର ଗୀତକୁ ନେଇ ବିବାଦୀୟ ହୋଇ ପଡ଼ିଛନ୍ତି ଅଭିନେତ୍ରୀ ଦୀପିକା ପାଦୁକୋନ। ଏହି ପ୍ରସଙ୍ଗ ସବୁଆଡେ ଚର୍ଚ୍ଚାର ବିଷୟ ପାଲଟିଛି। ଏହାକୁ କିଛି ବିରୋଧ କରୁଥିବା ବେଳେ ଆଉ କିଛି ସମର୍ଥନ କରୁଛନ୍ତି। ଏହି ରଙ୍ଗୀନ ବିକିନି ପିନ୍ଧି ହିନ୍ଦୁ ଧର୍ମକୁ ଅପମାନିତ କରାଯାଇଥିବା ଅଭିଯୋଗ ହୋଇଛି। ଏହି ବିବାଦ ମଧ୍ୟରେ ବର୍ତ୍ତମାନ ଅଭିନେତ୍ରୀ ନେହା ଶର୍ମା ଦୀପିକା ପାଦୁକୋନ ପିନ୍ଧିଥିବା ସମାନ ରଙ୍ଗର ବିକିନିରେ ତାଙ୍କର କିଛି ଫଟୋ ସେୟାର କରିଛନ୍ତି।
ନେହା ଶର୍ମାଙ୍କ ଏହି ଫଟୋ ଗୋଆର। ସେ ଗୋଆ ବେଳାଭୂମିରେ ଏକ ଫଟୋସୁଟ କରିଛନ୍ତି। ଫଟୋ ଗୁଡ଼ିକରେ ନେହା ଶର୍ମା ଗେରୁଆ ରଙ୍ଗର ବିକିନିରେ ବିଭିନ୍ନ ପୋଜରେ ନଜର ଆସିଛନ୍ତି। ଇନଷ୍ଟାଗ୍ରାମରେ ଫଟୋ ସେୟାର କରି ନେହା ଲେଖିଛନ୍ତି, ଗୋଆ, ଅବିଶ୍ୱାସନୀୟ ଭାରତ। ଯେତେବେଳେ ଏହି ଫଟୋ ଗେରୁଆ ରଙ୍ଗକୁ ନେଇ ବିବାଦ ମଧ୍ୟରେ ଆସିଲା, ସେତେବେଳେ ସୋଶିଆଲ ମିଡିଆରର ୟୁଜର ମଧ୍ୟ ବିଭିନ୍ନ ପ୍ରତିକ୍ରିୟା ଦେବା ଆରମ୍ଭ କରି ଦେଇଛନ୍ତି।
ନେହା ଶର୍ମା ଇନଷ୍ଟାଗ୍ରାମରେ ବହୁତ ସକ୍ରିୟ। ଅଭିନେତ୍ରୀ ସୋସିଆଲ ମିଡିଆ ଜରିଆରେ ପ୍ରଶଂସକଙ୍କ ସହିତ ନିଜର ବୋଲ୍ଡ ଏବଂ ସୁନ୍ଦର ଫଟୋ ସେୟାର କରନ୍ତି। ସେ ଇମ୍ରାନ୍ ହାଶ୍ମିଙ୍କ ସହ କ୍ରୁକ୍ ଫିଲ୍ମରେ ଅଭିନୟ କରିଥିଲେ। ସେ ଏହି ଚଳଚ୍ଚିତ୍ର ସହିତ ହିନ୍ଦୀ ଚଳଚ୍ଚିତ୍ରରେ ଡେବ୍ୟୁ କରିଥିଲେ। ସେବେଠାରୁ ସେ ଅନେକ ଚଳଚ୍ଚିତ୍ର ଏବଂ ୱେବ୍ ସିରିଜରେ ଅଭିନୟ କରିଥିଲେ। ଇନଷ୍ଟାଗ୍ରାମରେ ନେହା ଶର୍ମାଙ୍କର ପ୍ରାୟ 15 ନିୟୁତ ଫଲୋଅର ଅଛନ୍ତି।
Comments are closed.