କାଠମାଣ୍ଡୁ: ନେପାଳରେ ପୂର୍ବତନ ରାଜା ଜ୍ଞାନେନ୍ଦ୍ର ଶାହଙ୍କ ବିରୋଧରେ ଜରିମାନ । ରାଜତନ୍ତ୍ର ପୁନଃସ୍ଥାପନ ଦାବିରେ ହୋଇଥିବା ପ୍ରତିବାଦ ସମୟରେ ହୋଇଥିବା କ୍ଷତିର କ୍ଷତିପୂରଣ ପାଇଁ ରାଜା ଜ୍ଞାନେନ୍ଦ୍ରଙ୍କୁ ଜରିମାନା କରାଯାଇଛି । କାଠମାଣ୍ଡୁ ମ୍ୟୁନିସିପାଲ କର୍ପୋରେସନ ଶନିବାର ପୂର୍ବତନ ରାଜା ଜ୍ଞାନେନ୍ଦ୍ର ଶାହଙ୍କୁ ଏକ ଚିଠି ପଠାଇଛି । ଚିଠିରେ ଗୋଟିଏ ଦିନ ପୂର୍ବରୁ ରାଜଧାନୀର କିଛି ସ୍ଥାନରେ ରାଜତନ୍ତ୍ର ସମର୍ଥକ ପ୍ରତିବାଦ ସମୟରେ ସାର୍ବଜନୀନ ସମ୍ପତ୍ତି ଏବଂ ପରିବେଶର କ୍ଷତି ପାଇଁ ୭,୯୩,୦୦୦ ନେପାଳୀ ଟଙ୍କା କ୍ଷତିପୂରଣ ଦାବି କରାଯାଇଥିଲା ।
ପ୍ରତିବାଦ ପରେ, ସକାଳ ୭ଟାରେ ସହରର ପୂର୍ବ ଭାଗରୁ କର୍ଫ୍ୟୁ ଉଠାଇ ଦିଆଯିବା ପରେ କାଠମାଣ୍ଡୁର ପରିସ୍ଥିତି ସ୍ୱାଭାବିକ ରହିଥିଲା ।
ଶୁକ୍ରବାର ଅପରାହ୍ନ ୪ଟା ୨୫ ମିନିଟରେ ସ୍ଥାନୀୟ ପ୍ରଶାସନ ଏଠାରେ କର୍ଫ୍ୟୁ ଜାରି କରିଥିଲା । ଏହା ପରେ ଟିଙ୍କୁନ-ବାନେଶ୍ୱର ଅଞ୍ଚଳରେ ରାଜତନ୍ତ୍ର ସମର୍ଥକମାନେ ହିଂସାତ୍ମକ ପ୍ରତିବାଦ କରିଥିଲେ । ହିଂସାତ୍ମକ ପ୍ରତିବାଦ ସମୟରେ, ପ୍ରଦର୍ଶନକାରୀମାନେ ପଥର ମାଡ଼ କରିଥିଲେ ଏବଂ ଏକ ରାଜନୈତିକ ଦଳର କାର୍ଯ୍ୟାଳୟ ଉପରେ ଆକ୍ରମଣ କରିଥିଲେ । ଘଟଣାସ୍ଥଳରେ ଉପସ୍ଥିତ ସମସ୍ତ ଗାଡ଼ି ପୋଡ଼ି ଦିଆଯାଇଥିଲା ଏବଂ ଦୋକାନଗୁଡ଼ିକ ଲୁଟ୍ କରାଯାଇଥିଲା । ସୁରକ୍ଷା ବାହିନୀ ଏବଂ ରାଜତନ୍ତ୍ର ସମର୍ଥକ ପ୍ରଦର୍ଶନକାରୀଙ୍କ ମଧ୍ୟରେ ସଂଘର୍ଷରେ ଜଣେ ଟିଭି କ୍ୟାମେରାମ୍ୟାନ୍ ସମେତ ଦୁଇଜଣଙ୍କ ମୃତ୍ୟୁ ଘଟିଛି ଏବଂ ୧୧୦ ଜଣ ଆହତ ହୋଇଛନ୍ତି ।
ଗଣମାଧ୍ୟମରେ ପ୍ରକାଶିତ ପୂର୍ବତନ ରାଜାଙ୍କ ନିକଟକୁ ପଠାଯାଇଥିବା ଚିଠିର କପିରେ, କେଏମସି କହିଛି ଯେ, ପୂର୍ବତନ ରାଜାଙ୍କ ଡାକରାରେ ଆୟୋଜିତ ପ୍ରତିବାଦ ମହାନଗରର ବିଭିନ୍ନ ସମ୍ପତ୍ତିକୁ କ୍ଷତି ପହଞ୍ଚାଇଛି ଏବଂ ରାଜଧାନୀର ପରିବେଶକୁ ପ୍ରଭାବିତ କରିଛି । ଶୁକ୍ରବାରର ଆନ୍ଦୋଳନର ସଂଯୋଜକ ଦୁର୍ଗା ପ୍ରସାଦ ଗୋଟିଏ ଦିନ ପୂର୍ବରୁ ଜ୍ଞାନେନ୍ଦ୍ର ଶାହଙ୍କୁ ଭେଟିଥିଲେ ଏବଂ ରାଜତନ୍ତ୍ର ଏବଂ ହିନ୍ଦୁ ରାଷ୍ଟ୍ରର ପୁନରୁଦ୍ଧାର ଦାବି କରି ଏକ ଆନ୍ଦୋଳନ ଆରମ୍ଭ କରିବାକୁ ନିର୍ଦ୍ଦେଶ ପାଇଥିଲେ ।
୨୦୦୮ ମସିହାରେ ବିଲୋପ ହୋଇଥିବା ୨୪୦ ବର୍ଷ ପୁରୁଣା ରାଜତନ୍ତ୍ରର ପୁନରୁଦ୍ଧାର ଦାବି କରି ରାଜତନ୍ତ୍ର ସମର୍ଥକମାନେ କାଠମାଣ୍ଡୁ ଏବଂ ଦେଶର ଅନ୍ୟାନ୍ୟ ସ୍ଥାନରେ ରାଲି କରୁଛନ୍ତି ।
Comments are closed.