ଲଞ୍ଚ ହେଲା ନୂଆ ବଜାଜ ଚେତକ ଇଲେକ୍ଟ୍ରିକ୍ ସ୍କୁଟର; ଜାଣନ୍ତୁ ପ୍ରାଇସ, ଫିଚର କ’ଣ ରହିଛି..

ନୂଆଦିଲ୍ଲୀ: ଦୁଇ ଚକିଆ ଯାନ ନିର୍ମାତା ବଜାଜ ଅଟୋ,ନୂଆ ଜେନେରେସନ ବଜାଜ ଚେତକ ଇଲେକ୍ଟ୍ରିକ ସ୍କୁଟରକୁ ଲଞ୍ଚ କରିଛି, ଏଥିରେ ନୂଆ ଫିଚର ରହିଛି | ତିନୋଟି ମଡେଲରେ ନ୍ୟୁ ଚେତକ ମାର୍କେଟକୁ ଆସିଛି | ବର୍ତ୍ତମାନ କମ୍ପାନୀ କେବଳ ମିଡ-ଭେରିଆଣ୍ଟ (୧.୨୦ ଲକ୍ଷ ଟଙ୍କା) ଏବଂ ଟପ୍-ସ୍ପେକ୍ ଭର୍ସନ (୧.୨୭ ଲକ୍ଷ ଟଙ୍କା) ବଜାରକୁ ଆଣିଛି ।

ନୂଆ ବଜାଜ ଚେତକର ଡିଜାଇନ୍

ଏହାର ବ୍ୟାଟେରୀ ଫ୍ଲୋରରେ ଇନଷ୍ଟଲ୍ ହୋଇଛି, ଫଳରେ ଏକ ବଡ଼ ସୁବିଧା ହେଉଛି ଏଥିରେ ବୁଟ୍ ସ୍ପେସ୍ ବଢିଯାଉଛି | ପୁରୁଣା ଚେତକର ବିଷୟରେ ଏହା କିଛି ଅଭିଯୋଗ ମଧ୍ୟରୁ ଗୋଟିଏ ଥିଲା, କିନ୍ତୁ ବର୍ତ୍ତମାନ ଏହାର ସମାଧାନ କରାଯାଇଛି | ନୂଆ ଚେତକ ଇଲେକ୍ଟ୍ରିକ୍ ସ୍କୁଟରକୁ ୩୫-ଲିଟର ଅଣ୍ଡର ସ୍ଟୋରେଜ ମିଳିଛି | ହ୍ୱିଲ୍ ବେସ୍ ମଧ୍ୟ ୨୫ ମିମି ରୁ ୧୩୫୦ ମିଲିମିଟରକୁ ବୃଦ୍ଧି ପାଇଛି ଏବଂ ସିଟ୍ ବର୍ତ୍ତମାନ ୮୦ ମିମି ଲମ୍ବା ହୋଇଛି |

ନୂଆ ବଜାଜ ଚେତକର ଫିଚର

ନୂତନ ବଜାଜ ଚେତକର ଟପ୍-ସ୍ପେକ୍ ୩୫୦୧ ମଡେଲରେ ଅନେକ ଫିଚର ପ୍ରଦାନ କରାଯାଇଛି | ଇଣ୍ଟିଗ୍ରେଟେଡ୍ ମ୍ୟାପ ସହ TFT ଡିସପ୍ଲେ, ବ୍ଲୁଟୁଥ୍ କନେକ୍ଟିଭିଟି ଏବଂ ସ୍କ୍ରିନ୍ ମିରରିଙ୍ଗ ଫିଚର ଅଛି | ଅତିରିକ୍ତ ଫିଚରରେ ରହିଛି , ଡକ୍ୟୁମେଣ୍ଟ୍ ଷ୍ଟୋରେଜ୍, geo-ଫେନସିଂ, ଚୋରି ଚେତାବନୀ ଏବଂ ଓଭର ସ୍ପିଡିଂ ପାଇଁ ଆଲର୍ଟ  |

ବଜାଜ ଅଟୋ ନୂଆ ଚେତକ ସହିତ 3ବର୍ଷ / 50,000 କିଲୋମିଟର ୱାରେଣ୍ଟି ପ୍ରଦାନ କରୁଛି | ସୂଚନାଯୋଗ୍ୟ ଯେ ବର୍ତ୍ତମାନ ପର୍ଯ୍ୟନ୍ତ ବଜାଜ କେବଳ ଦୁଇଟି ମଡେଲର ମୂଲ୍ୟ ଘୋଷଣା କରିଛି ଏବଂ ଆଧାର 3503 ଭେରିଆଣ୍ଟର ମୂଲ୍ୟ ପରେ ପ୍ରକାଶ ପାଇବ। ସମ୍ପ୍ରତି, ବଜାଜ ଚେତକ TVS iCube, Ather Rizta, Ampere Nexus ଏବଂ Ola S1 ସହିତ ପ୍ରତିଦ୍ୱନ୍ଦ୍ୱିତା କରିବ |