ଭୁବନେଶ୍ୱର : ମହିଳା ସଶକ୍ତିକରଣ ଭଳି ଏକ ଗୁରୁତ୍ୱପର୍ଣ୍ଣ ପ୍ରସଙ୍ଗ ଉପରେ ନିର୍ମିତ ହୋଇଛି ଓଡିଆ ଫିଲ୍ମ “ମାଇଁ ସୁଇଟ୍ ହାଉସ୍ୱାଇଫ” । ଏହି ଫିଲ୍ମରେ ମୁଖ୍ୟ ଭୂମିକାରେ ଅଛନ୍ତି ଅଭିନେତ୍ରୀ ନୈନା ଦାଶ । ତାଙ୍କ ଅପୋଜିଟରେ ଅଛନ୍ତି ଅଭିନେତା ପ୍ରୀତି ରାଜ । ଫିଲ୍ମଟି ଆସନ୍ତା ନଭେମ୍ବର ୩ ତାରିଖରେ ମୁକ୍ତିଲାଭ କରିବ । ଏହାର ସଙ୍ଗୀତ ଉନ୍ମୋଚନ କାର୍ଯ୍ୟକ୍ରମ ଭୁବନେଶ୍ୱରର ଏକ ଘରୋଇ ହୋଟେଲରେ ଆୟୋଜିତ ହୋଇଯାଇଛି । ନିୟମିତ କାହାଣୀ ଭିତରୁ ବାହାରି ଏହି ସିନେମାରେ କିଛି ଭିନ୍ନ କରିବାକୁ ପ୍ରୟାସ କରାଯାଇଛି, ଯାହାକୁ ଦର୍ଶକ ଗ୍ରହଣୀୟତା ମିଳିବ ବୋଲି ଆଶା ରଖିଛନ୍ତି ପୁରା କ୍ରୀଉ ।
ଏଥିରେ ଗୀତଲେଖିଛନ୍ତି ପ୍ରତିଭାବାନ କୁମାର ଶ୍ରୀ । ସେହିପରି ଏହାକୁ ଗୀତରେ ସଜାଇଛନ୍ତି ସଙ୍ଗୀତଜ୍ଞ ରାହୁଲ ରାଉଳ । ଏଥିରେ କଣ୍ଠଦାନ କରିଛନ୍ତି କଣ୍ଠଶିଳ୍ପୀ ମାଧୁର୍ୟ୍ୟମୟୀ ନବ୍ୟା ଜୟତୀ । ସିନେମାର ପ୍ରଚାର ପାଇଁ ଉଦ୍ୟମ କରିଛନ୍ତି ବାଲୁକା କଳାର ଅନ୍ତର୍ଜାତୀୟ ଖ୍ୟାତିସମ୍ପନ୍ନ ବାଲୁକା ଶିଳ୍ପୀ ମାନସ ସାହୁ । ଏଭଳି ଏକ ସିନେମାର ସହ-ପ୍ରଯୋଜକ: ସିଦ୍ଧାର୍ଥ ତିୱାରୀ ଥିବା ବେଳେ ମୁଖ୍ୟ ପ୍ରଯୋଜକ ନୈନା ଦାଶ ତିୱାରୀ ଏବଂ ପ୍ରୀତିରାଜ ଶତପଥୀ ଅଛନ୍ତି । ଏହାର କ୍ରିଏଟିଭ ନିର୍ଦ୍ଦେଶକ ଅଛନ୍ତି ଦୂରଦୃଷ୍ଟି ସମ୍ପନ୍ନ ସିଦ୍ଧାର୍ଥ ତିୱାରୀ ।
Comments are closed.