ମୁମ୍ବାଇ: କଙ୍ଗନା ରାଣାୱତଙ୍କର ଆଗାମୀ ଫିଲ୍ମ ‘ଏମରଜନ୍ସି’ ସେପ୍ଟେମ୍ବର ୬ରେ ରିଲିଜ ହେବାକୁ ଯାଉଛି । ଫିଲ୍ମର ପ୍ରମୋସନ ଆରମ୍ଭ ହୋଇଛି ଏବଂ କଙ୍ଗନା ମଧ୍ୟ ପ୍ରମୋଶନର ଏକ ଅଂଶ ହୋଇଛନ୍ତି । ବର୍ତ୍ତମାନ ଫିଲ୍ମର ପ୍ରମୋସନ ସମୟରେ, କଙ୍ଗନାଙ୍କର ବହୁତ ଭଲ ଲୁକ୍ ସାମ୍ନାକୁ ଆସିଛି ଯାହାକୁ ଲୋକମାନେ ବହୁତ ପସନ୍ଦ କରିଛନ୍ତି । ଏହି ଫିଲ୍ମରେ ଇନ୍ଦିରା ଗାନ୍ଧୀଙ୍କ ଭୂମିକାରେ ଅଭିନୟ କରିଥିବା କଙ୍ଗନାଙ୍କୁ ଏକ ଫ୍ୟାଶନ ରାଣୀ ମଧ୍ୟ କୁହାଯାଏ, ଯାହା ଏଥର ତାଙ୍କ ଲୁକ୍ ଦ୍ୱାରା ପୁଣି ଥରେ ପ୍ରମାଣିତ ହୋଇଛି ।
ଏହି ଲୁକ୍ ପାଇଁ ସେ ତାଙ୍କର ସବୁବେଳର ପ୍ରିୟ ଶାଢୀ ପିନ୍ଧିଛନ୍ତି ଯେଉଁଥିରେ ସେ ବହୁତ ସୁନ୍ଦର ଦେଖାଯାଉଛନ୍ତି । କଙ୍ଗନାଙ୍କ ଓଭରଅଲ ଲୁକ୍ ବିଷୟରେ ଜାଣନ୍ତୁ…
ଏମରଜନ୍ସି ଫିଲ୍ମର ପ୍ରମୋଶନ ସମୟରେ କଙ୍ଗନା ଏକ ଭାରି ଏମ୍ବ୍ରୋଡେଡ୍ ସାରି ପିନ୍ଧିଥିଲେ, ଯାହାର ଫଟୋ ସେ ଇନଷ୍ଟାଗ୍ରାମରେ ମଧ୍ୟ ସେୟାର କରିଥିଲେ । ଫଟୋରେ କଙ୍ଗନାଙ୍କ ରାଜକୀୟ ଶୈଳୀ ଦେଖିବାକୁ ମିଳିଛି ।
କଙ୍ଗାନାଙ୍କର ଏହି ଶାଛୀ ଟିସୁ କପଡ଼ାରୁ ତିଆରି । ଏହି ଶାଢୀରେ ମଧ୍ୟ ରେଶମ ଏବଂ ଜରନ୍ଦୋଜୀର ଏକ ହାତ କାମ କରାଯାଇଛି । କଙ୍ଗନା ପାରମ୍ପାରିକ ଢଙ୍ଗରେ ଶାଢୀ ପିନ୍ଧିଛନ୍ତି ଏବଂ ଏହାର ଆଞ୍ଚଲକୁ କାନ୍ଧ ତଳେ ରଖିଛନ୍ତି ।
କଙ୍ଗନା ଏହି ଆଇବରୀ ଶାଢୀକୁ ଏକ ଚାନ୍ଦେରୀ ରେଶମ ବ୍ଲାଉଜ୍ ସହିତ ପୁରା ସ୍ଲିଭ୍ ଏବଂ ରାଉଣ୍ଡ ନେକ୍ ସହିତ ପିନ୍ଧିଛନ୍ତି ଯାହା ତାଙ୍କୁ ରାଜକୀୟ ରୂପ ଦେଇଛି । ବର୍ତ୍ତମାନ ଯଦି ଆମେ ଏହି ଶାଢୀ ବିଷୟରେ କହିବା ତେବେ କଙ୍ଗନାଙ୍କ ଏହି ଶାଢୀ ଟି ମତ୍ସ୍ୟ ବ୍ରାଣ୍ଡର ଏବଂ ଏହାର ମୂଲ୍ୟ ୫୮ ହଜାର ଟଙ୍କା ହେବ ।
ଏହା ସହ କଙ୍ଗନା ଦୁଇଟି ଚୋକର ନେକଲେସ ପିନ୍ଧିଛନ୍ତି ଏବଂ ମଥାରେ ସବୁଜ ରଙ୍ଗର ବିନ୍ଧି ପିନ୍ଧିଛନ୍ତି । କାନରେ କୁନ୍ଦନର ଝୁମୁକା ପିନ୍ଧଛନ୍ତି । ସେହିପରି ସେ ତାଙ୍କ ଗଭାରେ ମଲ୍ଲୀ ଫୁଲର ଗଜରାକୁ ଖୋସା କରିଛନ୍ତି ଯାହା ତାଙ୍କ ଏହି ଲୁକରେ ଚାରଚାନ୍ଦ ଲଗାଉଛି ।
Comments are closed.