କୋଲକାତା: ନ୍ୟୁଜିଲାଣ୍ଡ କ୍ରିକେଟ ଟିମ ଦିନିକିଆ ବିଶ୍ୱକପ କ୍ରିକେଟର ସେମିଫାଇନାଲରେ ପ୍ରବେଶ କରିଛି । ଏଥିସହ ନ୍ୟୁଜିଲାଣ୍ଡ ଟିମ ଇଂଲଣ୍ଡର ରେକର୍ଡ ସହ ସମକକ୍ଷ ହୋଇଛି । କ୍ରମାଗତ ୫ମ ଥର ପାଇଁ କିୱି ଟିମ ସେମିକୁ ଉନ୍ନୀତ ହୋଇଛନ୍ତି । ଏହା ପୂର୍ବରୁ କେବଳ ଇଂଲଣ୍ଡ ଏହି ସଫଳତା ହାସଲ କରିଥିଲା । ୨୦୨୩ ବିଶ୍ୱକପରେ ନ୍ୟୁଜିଲାଣ୍ଡ ଆରମ୍ଭରୁ ଭଲ ପ୍ରଦର୍ଶନ କରିଥିଲେ ମଧ୍ୟ କ୍ରମାଗତ ଭାବେ ପରାଜିତ ହେବା ଫଳରେ ଏହି ଦୌଡରୁ ବାଦ ପଡିବା ଆଶଙ୍କା ସୃଷ୍ଟି ହୋଇଥିଲା । ଇଂଲଣ୍ଡ ଟିମ ୧୯୭୫, ୧୯୭୯, ୧୯୮୩, ୧୯୮୭ ଓ ୧୯୯୨ରେ ସେମିଫାଇନାଲରେ ପ୍ରବେଶ କରିଥିଲା । ୧୯୭୯, ୧୯୮୭ ଓ ୧୯୯୨ରେ ଫାଇନାଲରେ ପ୍ରବେଶ କରିଥିଲେ ମଧ୍ୟ ଟାଇଟଲ ହାସଲ କରିପାରି ନ ଥିଲା ।
୨୦୦୭, ୨୦୧୧, ୨୦୧୫, ୨୦୧୯ ଓ ୨୦୨୩ରେ ନ୍ୟୁଜିଲାଣ୍ଡ ସେମିକୁ ଉନ୍ନୀତ ହୋଇଛି । ନ୍ୟୁଜିଲାଣ୍ଡ ଟିମ ଦିନିକିଆ ବିଶ୍ୱକପରେ ଭଲ ପ୍ରଦର୍ଶନ କରି ଆସୁଥିଲେ ମଧ୍ୟ ଟାଇଟଲ ହାସଲ କରିପାରି ନାହିଁ । ଏଥର ଏହି ସୁଯୋଗ ହାତଛଡା କରିବା ପାଇଁ ଦଳ ଚାହିଁବ ନାହିଁ ।
Comments are closed.