ପହଲଗାମ ଆକ୍ରମଣର ତଦନ୍ତ ଯୋରଦାର କଲା ଏନଆଇଏ

ନୂଆଦିଲ୍ଲୀ: କେନ୍ଦ୍ର ଗୃହ ମନ୍ତ୍ରଣାଳୟର ନିର୍ଦ୍ଦେଶ ପରେ, ଜାତୀୟ ତଦନ୍ତ ସଂସ୍ଥା (NIA) ପହଲଗାମ ଆତଙ୍କବାଦୀ ଆକ୍ରମଣ ମାମଲାର ତଦନ୍ତ ଭାର ବିଦ୍ଧିବଦ୍ଧ ଭାବେ ନିଜ ହାତକୁ ନେବା ପରେ ତଦନ୍ତ ତୀବ୍ର କରିଛି । ଏନଆଇଏ କହିଛି ଯେ, ବୁଧବାର ଅର୍ଥାତ୍ ଏପ୍ରିଲ ୨୩ ଠାରୁ ଆତଙ୍କବାଦୀ ଆକ୍ରମଣ ସ୍ଥାନରେ ଶିବିର ପକାଇଥିବା ଏହାର ଦଳଗୁଡ଼ିକ ପ୍ରମାଣ ଖୋଜିବାକୁ ଜୋରଦାର କରିଛନ୍ତି ।

ତେବେ ତଦନ୍ତକାରୀ ଦଳ ପ୍ରତ୍ୟକ୍ଷଦର୍ଶୀଙ୍କୁ ମିନିଟ୍‌ ବାଏ ମିନିଟ୍‌ ପଚରାଉଚରା କରୁଛି, ଯାହା ଘଟଣାର ସମୟରେ ଘଟିଥିବା ସମସ୍ତ ଘଟଣାକୁ ନିଖୁଣ ଭାବେ ବୁଝିବାରେ ସହାୟକ ହେବ ।

ପହଲଗାମ ଆକ୍ରମଣ, ଯାହା ସ୍ଥାନୀୟ ଅଞ୍ଚଳରେ ଆତଙ୍କ ସୃଷ୍ଟି କରିଛି, ସୁରକ୍ଷା ବାହିନୀ ଏବଂ ସରକାରଙ୍କ ପାଇଁ ଏକ ଗୁରୁତର ଚ୍ୟାଲେଞ୍ଜ ସୃଷ୍ଟି କରିଛି । NIA ଅଧିକାରୀମାନେ ଘଟଣାସ୍ଥଳରୁ ଗୁରୁତ୍ୱପୂର୍ଣ୍ଣ ପ୍ରମାଣ ସଂଗ୍ରହ କରିବା ସହ ସ୍ଥାନୀୟ ପୋଲିସ ଏବଂ ଅନ୍ୟାନ୍ୟ ସୁରକ୍ଷା ଏଜେନ୍ସିଙ୍କ ସହ ମିଳିତ ଭାବେ କାର୍ଯ୍ୟ କରୁଛନ୍ତି । ଏଜେନ୍ସିର ଫୋରେନସିକ୍ ଦଳ ମଧ୍ୟ ଘଟଣାସ୍ଥଳରେ ପ୍ରମାଣ ସଂଗ୍ରହ କରିବାରେ ବ୍ୟସ୍ତ ଅଛନ୍ତି ।

ତଦନ୍ତକାରୀ ସଂସ୍ଥା ସ୍ଥାନୀୟ ପୋଲିସଠାରୁ ଏହି ମାମଲା ସହିତ ଜଡିତ କେସ୍ ଡାଏରୀ, ଏଫଆଇଆର୍ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ କାଗଜପତ୍ର ନିଜ ଅଧୀନକୁ ନେଇଛି ।

ସୂଚନାଯୋଗ୍ୟ ଯେ, ଜମ୍ମ କଶ୍ମୀର ପହଲଗାମ୍ ରେ ହୋଇଥିବା ଆତଙ୍କବାଦୀ ଆକ୍ରମଣରେ ମୋଟ ୨୯ ଜଣଙ୍କର ମୃତ୍ୟୁ ଘଟିଛି । ଏହି ଘଟଣା ପୁଣି ଥରେ ଏହି ଅଞ୍ଚଳରେ ସୁରକ୍ଷା ନେଇ ଚିନ୍ତା ସୃଷ୍ଟି କରିଛି । ମାମଲାର ଗମ୍ଭୀରତାକୁ ଦୃଷ୍ଟିରେ ରଖି, ଏହାକୁ ଏବେ ଦେଶର ପ୍ରମୁଖ ଆତଙ୍କବାଦ ବିରୋଧୀ ସଂସ୍ଥାକୁ ହସ୍ତାନ୍ତର କରାଯାଇଛି । NIA ଖୁବ୍ ଶୀଘ୍ର ଆକ୍ରମଣର ସମସ୍ତ ଦିଗର ଗଭୀର ତଦନ୍ତ ଆରମ୍ଭ କରିବ, ଯେଉଁଥିରେ ଆକ୍ରମଣ ପଛରେ ଷଡ଼ଯନ୍ତ୍ର, ସମ୍ପୃକ୍ତ ଆତଙ୍କବାଦୀ ଗୋଷ୍ଠୀଗୁଡ଼ିକର ଭୂମିକା ଏବଂ ସମ୍ଭାବ୍ୟ ସ୍ଲିପର୍ ସେଲ୍ ଅନ୍ତର୍ଭୁକ୍ତ ।