ଭୁବନେଶ୍ୱର: ଆଇଏଏସ୍ କ୍ୟାଡର ସ୍ତରରେ ଶୁକ୍ରବାର ଦିନ ଓଡିଶା ସରକାରଙ୍କ ପକ୍ଷରୁ ଅଦଳବଦଳ କରାଯାଇଛି । ୨୦୦୪ ବ୍ୟାଚର ଅଧିକାରୀ ନିରଞ୍ଜନ ସାହୁ ରାଜସ୍ୱ ମଣ୍ଡଳ କମିଶନର(ଆରଡିସି), ଉତ୍ତରାଞ୍ଚଳ ଡିଭିଜନରେ ନିଯୁକ୍ତି ପ୍ରଦାନ କରାଯାଇଛି ।
ସାଧାରଣ ପ୍ରଶାସନ ବିଭାଗ ପକ୍ଷରୁ ଏନେଇ ଆଜି ଏକ ବିଜ୍ଞପ୍ତି ଜାରି କରାଯାଇଛି ।
ଜାଣନ୍ତୁ, ଆଇଏଏସ୍ ସ୍ତରରେ ଆଉ କାହାକୁ ଅଦଳବଦଳ କରାଯାଇଛି ।
- ୨୦୦୦ ବ୍ୟାଚ ଆଇଏଏସ ବସନ୍ତ କୁମାର ସେନାପତି ହେଲେ ଅନୁସୂଚି ଜାତି ଓ ଜନଜାତି ଏବଂ ପଛୁଆବର୍ଗ ବିକାଶ ନିର୍ଦ୍ଦେଶକ
- ୨୦୦୭ ବ୍ୟାଚ ଆଇଏଏସ ସୁଶାନ୍ତ ମହାପାତ୍ର ହେଲେ ଇଷ୍ଟେଟ ନିର୍ଦ୍ଦେଶକ ଏବଂ ସାଧାରଣ ପ୍ରଶାସନ ବିଭାଗର ଅତିରିକ୍ତ ସଚିବ
- ୨୦୦୯ ବ୍ୟାଚ ଆଇଏଏସ ଭି. ଜୟକୁମାର ହେଲେ ଆୟୁଷ ନିର୍ଦ୍ଦେଶକ
- ୨୦୦୯ ବ୍ୟାଚ ଆଇଏଏସ ଡ. ଏନ. ଥିରୁମାଲା ନାୟକ ହେଲେ ଶ୍ରମ କମିଶନର
- ୨୦୧୫ ବ୍ୟାଚ ଆଇଏଏସ ସୁଶ୍ରୀ ଆବୋଲି ସୁନିଲ ନରଭଣେ ହେଲେ ରାଉରକେଲାର ଅତିରିକ୍ତ ଜିଲ୍ଲାପାଳ