ନୂଆଦିଲ୍ଲୀ: ଦିଲ୍ଲୀର ବହୁ ଚର୍ଚ୍ଚିତ ନିର୍ଭୟା ଗଣଦୁଷ୍କର୍ମ ଏବଂ ହତ୍ୟା ମାମଲାରେ ୪ ଦୋଷୀଙ୍କ ଫାଶୀ ଦିନ ପାଖେଇ ଆସୁଛି । ଫାଶୀ ଦେବାକୁ ତିହାର ଜେଲରେ ପ୍ରସ୍ତୁତି ଆଗେଇ ଚାଲିଛି ।
![]()
ଫାଶୀ ଦଉଡିରେ ଘଷାଯାଉଛି କଦଳୀ:
ଫାଶୀ ଦଉଡିରେ ଘଷାଯାଉଛି କଦଳୀ:୪ ଦୋଷୀଙ୍କର ବେକର ମାପ ନିଆଯିବା ପରେ ଫାଶୀ ଦଉଡିରେ କଦଳୀ ଘଷା ଯାଉଛି । ଏହାମଧ୍ୟରେ ୪ ଜଣ ନକଲ ଦୋଷୀଙ୍କୁ ଫାଶୀ ଖୁଣ୍ଟରେ ଚଢାଯାଇ ସମସ୍ତ ପ୍ରକ୍ରିୟାର ପରୀକ୍ଷା କରାଯାଇସାରିଲାଣି । ଫାଶୀ ଦଉଡିକୁ ମଶୃଣ ରଖିବା ପାଇଁ ପ୍ରଥମେ ସେଥିରେ ଲହୁଣି ଘଷାଯାଇଥିଲା, ପରେ ପାଚିଲା କଦଳୀ ଘଷାଯାଉଛି । ଫାଶୀ ଦଉଡି ଯେତିକି ମଶୃଣ ହେବ ତାହା ସେତେ ତଳ ଉପର ହୋଇପାରିବ ।
ଗଳାର ମାପ ନେବା ବେଳେ କାନ୍ଦିଲେ ଦୋଷୀ:
ଜେଲ୍ ଅଧିକାରୀଙ୍କ କହିବା ଅନୁସାରେ ଯେତେବେଳେ ୪ ଦୋଷୀଙ୍କର ବେକର ମାପ ନିଆଯାଇଥିଲା, ସେତେବେଳେ ସମସ୍ତ ୪ ଜଣ ଭୋ ଭୋ ହୋଇ କାନ୍ଦିଥିଲେ । ପରେ ସେମାନଙ୍କୁ ବୁଝାସୁଝା କରିବା ପରେ ଶାନ୍ତ ପଡିଥିଲେ ।
ଫାଶୀ ପାଇଁ ୮ ଦଉଡି ପ୍ରସ୍ତୁତ:![]()
୪ ଜଣଙ୍କୁ ଫାଶୀ ଦିଆଯିବ, କିନ୍ତୁ ବ୍ୟାକ୍ ଅପ୍ ପାଇଁ ଜେଲ୍ ପ୍ରଶାସନ ୮ଟି ଦଉଡି ପ୍ରସ୍ତୁତ କରି ରଖିଛନ୍ତି । ଏସବୁ ଦଉଡିରେ କଦଳୀ ଘଷାଯାଇ ପରୀକ୍ଷା କରାଯାଉଛି ।
ଆସନ୍ତା ୨୨ ତାରିଖ ସକାଳ ୭ଟାରେ ୪ ଦୋଷୀଙ୍କୁ ତିହାର ଜେଲରେ ଫାଶୀ ଦିଆଯିବ । ୨୦ ତାରିଖ ସୁଦ୍ଧା ଜେଲରେ ପହଞ୍ଚିଯିବେ ଘାତକ ।