ପାଟନା: ଦିନ ଥିଲା ଯେତବେଳେ ଉତ୍ତମ ଶାସନ ପାଇଁ କମାଇଥିଲେ ନାଁ। ଘରେ ଘରେ ‘ସୁଶାସନ ବାବୁ’ ଭାବେ କରାଯାଉଥିଲା ବିବେଚନା। କିନ୍ତୁ ଏବେ ବାରମ୍ବାର ପଟ୍ଟ ପରିବର୍ତ୍ତନ ପାଇଁ ପଲଟୁରାମ ନାମରେ ଜାଣୁଛନ୍ତି ଦେଶବାସୀ। ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କର ଦଳ ଡିଆଁ ରାଜନୀତିର ପୁରୁଣା ପୃଷ୍ଠା ଉପରେ ନଜର ପକାଇବା।
ଏହି ପରିପ୍ରକ୍ଷୀରେ ଦେଖିଲେ ପ୍ରଥମେ ସେ ବଡ଼ ଚର୍ଚ୍ଚାକୁ ଆସିଲେ ୨୦୧୩ ମସିହାରେ। ଯେତେବେଳେ ସେ ଜେଡିୟୁ ଓ ବିଜେପିର ୧୭ ବର୍ଷର ମେଣ୍ଟକୁ ଭାଙ୍ଗିଥିଲେ। କାରଣ ଥିଲା ପ୍ରଧାନମନ୍ତ୍ରୀ ପ୍ରାର୍ଥୀ। ଭାରତୀୟ ଜନତା ପାର୍ଟି ଦେଶର ପ୍ରଧାନମନ୍ତ୍ରୀ ପଦବୀ ପାଇଁ ନରେନ୍ଦ୍ର ମୋଦିଙ୍କୁ ଚୟନ କରିଥିଲା। ଯେଉଁଥିରେ ନାଖୁସ ଥିଲେ ନୀତୀଶ। ବିହାରରେ ଦୀର୍ଘ ସମୟ ଧରି ନୀତୀଶ ଶାସନ ଦାୟିତ୍ଵରେ ଥିବା ବେଳେ ଗୁଜୁରାଟରେ ମୋଦୀଙ୍କ କ୍ଷମତାରେ ଥିଲେ। ସେତେବେଳେ ନୀତୀଶ ଏହି ପଦବୀ ପାଇଁ ଅଡି ବସିଥିଲେ। କିନ୍ତୁ କେନ୍ଦ୍ରୀୟ ନେତୃତ୍ଵଙ୍କ ନିଷ୍ପତ୍ତି ବଦଳିଲା ନାହିଁ। ନରେନ୍ଦ୍ର ମୋଦିଙ୍କ ନାଁ ରେ ମୋହର ମାରିଲା ବିଜେପି। ଯେଉଁଥିରେ ନୀତୀଶ ଅସନ୍ତୋଷ ପ୍ରକାଶ କରି ବିଜେପିରୁ ଅଲଗା ହୋଇ ମେଣ୍ଟ ଭାଙ୍ଗି ଦେଇଥିଲେ।
୨୦୧୪ ରେ, ବିଜେପି ନିର୍ବାଚନରେ ଜିତିବା ପରେ ନୀତୀଶ କୁମାର ଜିତନ ରାମ ମାଂଝୀଙ୍କୁ ମୁଖ୍ୟମନ୍ତ୍ରୀ ଭାବରେ ନିଯୁକ୍ତ କରି ନିଜେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ। ପରବର୍ତ୍ତୀ ସମୟରେ କଂଗ୍ରେସ ଓ ଲାଲୁ ଯାଦବଙ୍କ ଆରଜେଡି ସହ ମିଶି ସଂଖ୍ୟା ଗରିଷ୍ଠତା ହାସଲ କରିବାରେ ସମର୍ଥ ହୋଇଥିଲେ। ଏବଂ ୨୦୧୫ରେ ମହାମେଣ୍ଟରୁ ନୀତୀଶ ହୋଇଥିଲେ ମୁଖ୍ୟମନ୍ତ୍ରୀ। ତାଙ୍କ ସହ ଉପମୁଖ୍ୟମନ୍ତ୍ରୀ ଭାବେ ଶପଥ ନେଇଥିଲେ ଆରଜେଡି ନେତା ତେଜସ୍ଵୀ ଯାଦବ।
କିନ୍ତୁ ତାଙ୍କ ପଲଟୁରାମ ନୀତିରେ ସେ ପୁଣି ଆଉ ଥରେ ଚର୍ଚ୍ଚାର ପରିସର ଭିତରକୁ ଆସିଥିଲେ ଯେତେବେଳେ ୨୦୧୬ରେ ସେ ମେଣ୍ଟରେ ଆରଜେଡିର ପ୍ରାଧାନ୍ୟରେ ଖୁସି ନଥିଲେ, ଓ କେନ୍ଦ୍ରରେ ବିଜେପି ଆଣିଥିବା ବିମୁଦ୍ରୀକରଣ ଏବଂ ଜିଏସଟି ସମ୍ବନ୍ଧୀୟ ନୀତି ଆଡ଼କୁ ଢଳିଥିଲେ। ତାଙ୍କର ଏପରି ପ୍ରବୃତ୍ତିକୁ ମେଣ୍ଟ ପକ୍ଷରୁ ସ୍ୱାଗତ କରାଯାଇ ନ ଥିଲା। ଲାଲୁ ଯାଦବ ଏବଂ ତାଙ୍କ ସମ୍ପର୍କୀୟଙ୍କ ବିରୋଧରେ ସିବିଆଇ ଦୁର୍ନୀତି ମାମଲା ଦାୟର କରିବା ପରେ ସେ ମିଳିତ ମଞ୍ଚରେ ଅଧିକ ଲାଭ କରିବାକୁ ଆଉ ଏକ ସୁଯୋଗ ପାଇଥିଲେ।
ନୀତୀଶ କୁମାର ମିଳିତ ମଞ୍ଚ ନିକଟକୁ ଯାଇ ତେଜସ୍ୱୀ ଯାଦବଙ୍କ ଇସ୍ତଫା ମାଗିଥିଲେ ଯିଏକି ସିବିଆଇ ଚାର୍ଜସିଟରେ ନାମିତ ହୋଇଥିଲେ। ତେବେ ଲାଲୁ ମନା କରିଦେଇଥିଲେ ଏବଂ ନୀତୀଶ କୁମାର ତାଙ୍କ ରାଜନୈତିକ ଯାତ୍ରାରେ ପରବର୍ତ୍ତୀ ପାଲଟା ନୀତିକୁ ଆପଣାଇ ବିଜେପି ସହ ମେଣ୍ଟ କରି ଶୀର୍ଷ ପଦବୀକୁ ଅକ୍ତିଆର କରିଥିଲେ।
ବିଧାନସଭାରେ ସଂଖ୍ୟାଗରିଷ୍ଠତା ସହ ବିଜେପି ଜେଡିୟୁ ସହ ମେଣ୍ଟରେ ସର୍ବାଧିକ ବିଜୟ ହାସଲ କରିଥିବା ବେଳେ ନୀତୀଶ କୁମାର ଚତୁର୍ଥ ଥର ପାଇଁ ମୁଖ୍ୟମନ୍ତ୍ରୀ ଭାବେ ନିର୍ବାଚିତ ହୋଇଥିଲେ।
ଏହାପରେ ବିଜେପି ନେତୃତ୍ୱକୁ ଦାୟୀ କରି ୨୦୨୨ରେ ମେଣ୍ଟ ଭାଙ୍ଗିଥିଲା। ପରେ ଆରଜେଡି ଓ କଂଗ୍ରେସ ସହ ମିଶି ସରକାର ଗଢିଥିଲେ । ଏବେ ପୁଣି ସାଧାରଣ ନିର୍ବାଚନ ପୂର୍ବରୁ ମହାମେଣ୍ଟରୁ ଓହରି ବିଜେପି ସହ ଆସିବାକୁ ଯାଉଛନ୍ତି।
ବର୍ତ୍ତମାନ ବିହାରର ୨୪୩ ନିର୍ବାଚନମଣ୍ଡଳୀ ମଧ୍ୟରୁ ଆରଜେଡିରେ ୭୯ ଟି ଆସନ ଥିବାବେଳେ ଜେଡିୟୁରେ ୪୫ ଟି ଏବଂ ବିଜେପିର ୮୨ଟି ଆସନ ସହ ସଂଖ୍ୟାଗରିଷ୍ଠତା ରହିଛି। ୨୦୧୦ ବିହାର ନିର୍ବାଚନରେ ୧୧୫ ଟି ଆସନରୁ ୨୦୧୫ ରେ ୭୧ ପର୍ଯ୍ୟନ୍ତ, ୨୦୨୦ ରେ କେବଳ ୪୩ ଟି ଆସନ ଜେଡିୟୁର ଶକ୍ତି ହୋଇ ରହିଛି।
Comments are closed.