ପାଟନା: ବିହାରରେ ୮ମ ଥର ପାଇଁ ମୁଖ୍ୟମନ୍ତ୍ରୀ ହୋଇଛନ୍ତି ନୀତିଶ କୁମାର । ଏନଡିଏ ଗଠବନ୍ଧନ ଭାଙ୍ଗିଯିବା ପରେ ଏବେ କାଦୁଅ ଫିଙ୍ଗା ଆରମ୍ଭ ହୋଇଛି । ନୀତିଶ ଉପ ରାଷ୍ଟ୍ରପତି ହେବାକୁ ଚାହୁଁଥିଲେ ବୋଲି ବିଜେପି ନେତା ତଥା ପୂର୍ବତନ ଉପ ମୁଖ୍ୟମନ୍ତ୍ରୀ ସୁଶୀଲ ମୋଦି କହିଛନ୍ତି । ବିଜେପି ମନା କରିବାରୁ ନୀତିଶ ରାଗିଯାଇ ଏହି ପଦକ୍ଷେପ ଗ୍ରହଣ କଲେ । ଜେଡିୟୁର ରାଷ୍ଟ୍ରୀୟ ଅଧ୍ୟକ୍ଷ ରାଜୀବ ରଞ୍ଜନ ସିଂ ଓରଫ ଲଲନ ଏହାକୁ ଖଣ୍ଡନ କରିଛନ୍ତି । ନୀତିଶ ମନା କରିବା ସତ୍ୱେ ତାଙ୍କୁ ବାଧ୍ୟ କରି ମୁଖ୍ୟମନ୍ତ୍ରୀ କରାଯାଇଥିଲା । ପରେ ଆରସିପି ସିଂ ବିଜେପି ଏଂଜେଟ ହୋଇ ଆମ ଦଳକୁ ଆସିଲେ । ଏପରିକି ଦଳ ଭାଙ୍ଗିବା ପାଇଁ ମଧ୍ୟ ଉଦ୍ୟମ କରାଯାଇଥିଲା । ବିଜେପି ଗଠବନ୍ଧନର ଧର୍ମ ପାଳନ କରି ନାହିଁ । ଆମେ ଏବେ ସିବିଆଇ ଓ ଇଡିକୁ ମଧ୍ୟ ଭୟ କରୁ ନାହିଁ ବୋଲି ସେ କହିଛନ୍ତି ।
Comments are closed.