କୋଲକାତା: ପଶ୍ଚିମବଙ୍ଗର ଦୁର୍ଗାପୁରରେ ଅକ୍ଟୋବର ୧୦ ତାରିଖରେ ଓଡ଼ିଶାର ଜଣେ ଦ୍ୱିତୀୟ ବର୍ଷର MBBS ଛାତ୍ରୀଙ୍କ ସହ ଗଣଦୁଷ୍କର୍ମ ହୋଇଥିଲା। ଘଟଣାରେ ଗିରଫ ହୋଇଥିବା ଚାରି ଜଣଙ୍କୁ ବୁଧବାର ସ୍ଥାନୀୟ କୋର୍ଟ ପାଞ୍ଚ ଦିନିଆ ନ୍ୟାୟିକ ହେପାଜତକୁ ପଠାଇ ଦେଇଛନ୍ତି।
ପୀଡିତାଙ୍କ ସହପାଠୀ ୱାସେଫ୍ ଅଲିଙ୍କ ଓକିଲ ଜାମିନ ଆବେଦନ କରିଥିଲେ। ସେ ଯୁକ୍ତି କରିଥିଲେ ଯେ ଦୁହେଁ ଏକ ପ୍ରେମ ସମ୍ପର୍କରେ ଥିଲେ ଏବଂ ପୀଡ଼ିତା ତାଙ୍କ ସହିତ ସ୍ୱେଚ୍ଛାକୃତ ଭାବରେ କ୍ୟାମ୍ପସ୍ ଛାଡି ଯାଇଥିଲେ।
ସରକାରୀ ଓକିଲ ବିଭାସ ଚାଟାର୍ଜୀ ଜାମିନକୁ ବିରୋଧ କରି କହିଥିଲେ ଯେ ତାଙ୍କ ସହପାଠୀ ତାଙ୍କୁ ‘ଫୁଚକା’ (ପାଣିପୁରୀ) ଖାଇବାକୁ ନେଇଯାଇଥିଲେ ଏବଂ ପରେ ତାଙ୍କୁ ଦୁଷ୍କର୍ମ କରିଥିଲେ। ସେ ଆହୁରି ମଧ୍ୟ କହିଛନ୍ତି ଯେ ସେମାନଙ୍କ ହ୍ୱାଟ୍ସଆପ୍ ଚାଟ୍ ରୁ ଅଧିକ ବିବରଣୀ ପ୍ରକାଶ ହୋଇ ପାରିବ। “ଆମେ ସେମାନଙ୍କ ଜାମିନ ଆବେଦନ ବିରୁଦ୍ଧରେ ଆପତ୍ତି ଦାଖଲ କରିଥିଲୁ ଏବଂ ସେମାନଙ୍କ ଜାମିନକୁ ଖାରଜ କରାଯାଇଛି। କୋର୍ଟ ଟେଷ୍ଟ ଆଇଡେଣ୍ଟିଫିକେସନ୍ ପରେଡ୍ ପାଇଁ ମଧ୍ୟ ଅନୁମତି ଦେଇଛନ୍ତି। ଯାହା କାଲି ଜେଲ ଭିତରେ କରାଯିବ।
ସେ ଆହୁରି ମଧ୍ୟ କହିଛନ୍ତି ଯେ ସେମାନଙ୍କୁ ଅକ୍ଟୋବର ୨୭ ତାରିଖରେ ପୁଣି ଥରେ କୋର୍ଟରେ ହାଜର କରାଯିବ।
Comments are closed.