ମଉଳିଲା ପାକିସ୍ତାନ ଆଶା, AMRAAM କ୍ଷେପଣାସ୍ତ୍ର ବିତରଣ ରିପୋର୍ଟକୁ ଖାରଜ କଲେ ଆମେରିକା 

ନୂଆଦିଲ୍ଲୀ: ପାକିସ୍ତାନକୁ ଯୁକ୍ତରାଷ୍ଟ୍ର AIM-120 AMRAAM କ୍ଷେପଣାସ୍ତ୍ର ଦେବ ରିପୋର୍କୁ ଖାରଜ କଲା ଆମେରିକା। ଭାରତ ସହିତ ଜାରି ଶୁଳ୍କ ଉତ୍ତେଜନା ମଧ୍ୟରେ, ଚର୍ଚ୍ଚା ହେଉଥିଲା କି ଯେ ଆମେରିକା ପାକିସ୍ତାନକୁ AIM-120 ଆଡଭାନ୍ସଡ୍ ମଧ୍ୟମ-ଦୂରଗାମୀ ଏୟାର-ଟୁ-ଏୟାର ମିସାଇଲ୍ (AMRAAM) ଯୋଗାଣକୁ ଅନୁମୋଦନ କରିଛି। ହେଲେ ଏନେଇ ସ୍ପଷ୍ଟ କରିଛି ଆମେରିକା। ଆମେରିକା ପାକିସ୍ତାନକୁ ଏପରି କୌଣସି କ୍ଷେପଣାସ୍ତ୍ର ଯୋଗାଣ କରିବାକୁ ଯାଉଥିବା କଥାକୁ ମନା କରିଛି। ପୂର୍ବରୁ, ରିପୋର୍ଟ ଆସିଥିଲା ଯେ ପାକିସ୍ତାନ ରେଥିଅନ୍ କମ୍ପାନୀ ସହିତ ୨.୫ ବିଲିୟନ ଡଲାରର ଚୁକ୍ତିରେ AIM-120 ର C8 ଏବଂ D3 ପ୍ରକାର ପାଇବ, ଏବଂ ଏହାର ଡେଲିଭରି ମେ ୨୦୩୦ ରେ ସ୍ଥିର ହୋଇଥିଲା। ଏହି ଚୁକ୍ତି ପାକିସ୍ତାନର ବାୟୁସେନାକୁ ମଜବୁତ କରିପାରେ ଏବଂ ଦକ୍ଷିଣ ଏସିଆରେ ରଣନୈତିକ ସନ୍ତୁଳନକୁ ପ୍ରଭାବିତ କରିପାରେ, ବିଶେଷକରି ଭାରତ ସହିତ ସମ୍ପର୍କ ଖରାପ ଥିବା ମଧ୍ୟରେ, ଏହା ଭାରତ ପାଇଁ ବି ଚିନ୍ତାର କାରଣ ହୋଇଥାନ୍ତା।

ହେଲେ ଆମେରିକା ସ୍ପଷ୍ଟ କରିଛି ଯେ ପାକିସ୍ତାନ ସହିତ ଏହାର ଅସ୍ତ୍ରଶସ୍ତ୍ର ସମ୍ପର୍କରେ ଏପରି କୌଣସି ଚୁକ୍ତି ହୋଇନାହିଁ। ଏହି ରିପୋର୍ଟରେ କୌଣସି ସତ୍ୟତା ନାହିଁ।

ତେବେ କହୀରଖୁଛୁ, AIM-120 AMRAAM ଏକ ‘ ଫାୟାର ଏବଂ ଫରଗେଟ୍’ କ୍ଷେପଣାସ୍ତ୍ର, ଆମେରିକୀୟ ବାୟୁସେନାର ଏକ ଉନ୍ନତ ବାୟୁ-ରୁ-ବାୟୁ ଅସ୍ତ୍ର ପ୍ରଣାଳୀ। ୧୯୯୧ ମସିହାରେ ପ୍ରଥମେ ନିୟୋଜିତ ହୋଇଥିବା ଏହି କ୍ଷେପଣାସ୍ତ୍ରରେ ଏକ ସକ୍ରିୟ ରାଡାର ମାର୍ଗଦର୍ଶନ ପ୍ରଣାଳୀ ରହିଛି, ଯାହା ଏହାକୁ ଦିନ ଏବଂ ରାତି ସମସ୍ତ ପାଣିପାଗ ପରିସ୍ଥିତିରେ ପ୍ରଭାବଶାଳୀ କରିଥାଏ। ଏହାର ଓଜନ ପ୍ରାୟ ୧୫୪ କିଲୋଗ୍ରାମ (୩୪୦ ପାଉଣ୍ଡ)। ଏହା ଏକ କଠିନ ଇନ୍ଧନ ରକେଟ୍ ମୋଟର ଦ୍ୱାରା ଚାଳିତ, ଯାହା ଏହାକୁ ପ୍ରାୟ ୪,୯୦୦ କିଲୋମିଟର/ଘଣ୍ଟା ସର୍ବାଧିକ ଗତି ପ୍ରଦାନ କରେ। ଏହାର ମୌଳିକ ଭାରିଆଣ୍ଟରେ ଏହାର ପରିସର ୫୦ ରୁ ୧୦୦ କିଲୋମିଟର, ଯେତେବେଳେ ସର୍ବଶେଷ AIM-୧୨୦ଡି ଭାରିଆଣ୍ଟ ୧୬୦ କିଲୋମିଟର ପର୍ଯ୍ୟନ୍ତ ପହଞ୍ଚିପାରେ।

AIM-୧୨୦ AMRAAM କ୍ଷେପଣାସ୍ତ୍ରରେ ‘ଲୁକ୍-ଡାଉନ୍, ସୁଟ୍-ଡାଉନ୍’ କ୍ଷମତା ମଧ୍ୟ ଅଛି, ଅର୍ଥାତ୍ ଏହା ନିମ୍ନ ସ୍ତରରେ ଉଡ଼ୁଥିବା ଶତ୍ରୁ ବିମାନକୁ ନଷ୍ଟ କରିପାରିବ। ଏହାର ସକ୍ରିୟ ରାଡାର ସ୍ୱାଧୀନ ଭାବରେ ଲକ୍ଷ୍ୟସ୍ଥଳକୁ ଟ୍ରାକ୍ କରେ, ଏବଂ GPS-ସହାୟିତ ମାର୍ଗଦର୍ଶନ ଏବଂ ଡାଟା ଲିଙ୍କ୍ ଏହାକୁ ଜାମ୍ ପ୍ରତିରୋଧୀ କରିଥାଏ। ଏହି କ୍ଷେପଣାସ୍ତ୍ର ଏକକାଳୀନ ଅନେକ ଲକ୍ଷ୍ୟସ୍ଥଳକୁ ସାମିଲ କରିବାରେ ସକ୍ଷମ, ଏହାକୁ ଡଗ୍‌ଫାଇଟ୍ ଏବଂ ବିଅଣ୍ଡ-ଭିଜୁଆଲ୍-ରେଞ୍ଜ (BVR)ରେ ପ୍ରଭାବଶାଳୀ କରିଥାଏ। ୪,୯୦୦ ରୁ ଅଧିକ ପରୀକ୍ଷଣ ଫାୟାରିଂ ଏବଂ ୧୩ ସଫଳ ମୁକାବିଲା ସହିତ, କ୍ଷେପଣାସ୍ତ୍ର ଏହାର ନିର୍ଭରଯୋଗ୍ୟତା ପ୍ରମାଣିତ କରିଛି। ଏହାର ସାମ୍ନା-ଆକ୍ରମଣରେ ହିଟ୍ ହାର ୯୦ ପ୍ରତିଶତରୁ ଅଧିକ।

ତେବେ ଏହି ଶକ୍ତିଶାଳୀ ଅସ୍ତ୍ର କେବଳ କେ ଆମେରିକା ପାଖରେ ଅଛି ତାହା ନୁହଁ ୪୨ ରୁ ଅଧିକ ଦେଶ ପାଖରେ AIM-120 AMRAAM କ୍ଷେପଣାସ୍ତ୍ର ଅଛି।

ସେମାନଙ୍କ ମଧ୍ୟରେ ଅଛି,

ଆମେରିକା: ଆମେରିକା ବାୟୁସେନା, ନୌସେନା, ମାରିନ୍ କର୍ପସ

ୟୁରୋପ: ବ୍ରିଟେନ, ଜର୍ମାନୀ, ନେଦରଲ୍ୟାଣ୍ଡସ୍, ନରୱେ, ଇଟାଲୀ, ସ୍ପେନ୍, ଗ୍ରୀସ୍, ପୋଲାଣ୍ଡ

ଏସିଆ: ଜାପାନ, ଦକ୍ଷିଣ କୋରିଆ, ଅଷ୍ଟ୍ରେଲିଆ, ତାଇୱାନ, ସିଙ୍ଗାପୁର, ପାକିସ୍ତାନ

ମଧ୍ୟପ୍ରାଚ୍ୟ: ଇସ୍ରାଏଲ, ସାଉଦି ଆରବ, କତାର, ବାହାରିନ୍, କୁଏତ୍, ତୁର୍କୀ, ୟୁଏଇ

ଅନ୍ୟାନ୍ୟ: କାନାଡା, ନ୍ୟୁଜିଲ୍ୟାଣ୍ଡ, ରୋମାନିଆ, ସ୍ୱିଜରଲ୍ୟାଣ୍ଡ