କଟକ ଓ ଭୁବନେଶ୍ୱରରେ ସଟଡାଉନରେ ବି ମିଳିବ ଆମିଷ

କଟକ: ଖାଦ୍ୟ ପ୍ରେମୀଙ୍କ ପାଇଁ ଆସିଛି କିଛି ଭଲ ଖବର, ଯେଉଁମାନେ ସଟଡାଉନ୍ କାରଣରୁ ଘରରନ୍ଧା ଆମିଷ ଖାଦ୍ୟରୁ ବଞ୍ଚିତ ହୋଇଛନ୍ତି। ବର୍ତ୍ତମାନ, ସେମାନେ ବନ୍ଦ ଦିନରେ ମଧ୍ୟ କଞ୍ଚା ମଟନ୍, ଚିକେନ୍, ମାଛ ଏବଂ ଚିଙ୍ଗୁଡ଼ି ଅର୍ଡର କରିପାରିବେ।

ଯୁବ ଉଦ୍ୟୋଗୀଙ୍କ ଉଦ୍ୟମରେ ଆରମ୍ଭ ହୋଇଥିବା “RAW prawn”କଟକ ଏବଂ ଭୁବନେଶ୍ୱରରେ ଆମିଷ ଖାଦ୍ୟପ୍ରେମୀଙ୍କ ଆବଶ୍ୟକତାକୁ ପୂରଣ କରିବ। ଖାଦ୍ୟର ଗୁଣବତ୍ତା ସୁନିଶ୍ଚିତ କରିବା ବ୍ୟତୀତ, ଏହା ହୋମ ଡେଲିଭରି ପାଇଁ କୌଣସି ଅତିରିକ୍ତ ଶୁଳ୍କ ଆଦାୟ କରେ ନାହିଁ।

ମୁମ୍ବାଇ ସ୍ଥିତ ସିନେମାଟୋଗ୍ରାଫର ଆଲୋକଙ୍କ ଦ୍ୱାରା ଆରମ୍ଭ ହୋଇଥିବା ଏହି ଅଭିନବ ପ୍ରୟାସ ମଧ୍ୟ ଏହା ନିଶ୍ଚିତ କରେ ଯେ ଏହାର ଉତ୍ପାଦ ପାଇଁ କୌଣସି ରାସାୟନିକ କିମ୍ବା ପ୍ରିଜରବେଟିଭ୍ ବ୍ୟବହାର କରାଯାଏ ନାହିଁ। ସତେଜତାର ଗ୍ୟାରେଣ୍ଟି ସହିତ, ଆଲୋକ ଦାବି କରିଛନ୍ତି ଯେ କରୋନା ଭାଇରସକୁ ନଜରରେ ରଖି ସମସ୍ତ ଜିନିଷ ଗୁଡିକ ସ୍ୱଚ୍ଛ ଭାବରେ ପ୍ୟାକ୍ କରାଯିବା ସହ ତାଙ୍କ ଷ୍ଟାଫ ମାନେ ଗ୍ରାହକଙ୍କ ଘରକୁ ଅତ୍ୟନ୍ତ ଯତ୍ନ ସହକାରେ ଖାଦ୍ୟ ଡେଲିଭରି କରିଥାନ୍ତି।

ସେ ଆହୁରି ମଧ୍ୟ କହିଛନ୍ତି ଯେ ଦୁଇ ସପ୍ତାହରୁ କମ୍ ସମୟ ଧରି ଏହି ପଦକ୍ଷେପ ଆରମ୍ଭ କରାଯାଇଛି ଏବଂ ସେମାନେ ଫୋନ୍ କଲରେ ମଧ୍ୟ ଅର୍ଡର ନେଉଛନ୍ତି। କିନ୍ତୁ କନକ ନ୍ୟୁଜ୍ ରିପୋର୍ଟ ଅନୁଯାୟୀ ସେମାନେ ଖୁବ୍ ଶୀଘ୍ର ସେମାନଙ୍କର ଆପ୍ ଲଞ୍ଚ କରିବା ସହ ଖୁରଡା ଏବଂ ପୁରୀ ପରି ନିକଟବର୍ତୀ ଅନ୍ୟାନ୍ୟ ସ୍ଥାନକୁ ସେମାନଙ୍କର ସେବା ବିସ୍ତାର କରିବେ। ୯୮୬୧୪୪୩୬୩୬ ରେ ଜଣେ କଲ କରି “The Raw Prawns ” ସହିତ ଯୋଗାଯୋଗ ମଧ୍ୟ କରିପାରିବେ।