ଭୁବନେଶ୍ୱର : ଓଡିଶା ବିଧାନସଭା ଅଧିବେଶନ ଆସନ୍ତା ଫେବୃଆରୀ ୪ ତାରିଖରୁ ଆରମ୍ଭ ହେବାକୁ ଯାଉଛି ।
ଏନେଇ ଏକ ପ୍ରସ୍ତାବ ଓଡିଶା ବିଧାନସଭା ସଚିବଙ୍କ ଦ୍ୱାରା ରାଜ୍ୟପାଳ ପ୍ରଫେସର ଗଣେଶୀ ଲାଲଙ୍କ ସ୍ୱିକୃତି ପାଇଁ ପଠାଯାଇଛି ।
ରାଜ୍ୟ ସରକାରଙ୍କ ପ୍ରସ୍ତାବ ଅନୁଯାୟୀ ବିଧାନସଭା ଅଧିବେଶନ ଫେବୃଆରୀ ୧୨ ତାରିଖ ଯାଏଁ ଜାରି ରହିବ ।
ଏହା ଉଲ୍ଲେଖନୀୟ ଯେ ଚଳିତ ବର୍ଷ ଉଭୟ ବିଧାନସଭା ଓ ଲୋକସଭା ନିର୍ବାଚନ ଅନୁଷ୍ଠିତ ହେଉଛି । ଏହି ପରିପ୍ରେକ୍ଷୀରେ ଗୃହରେ ଫେବୃଆରୀ ୭ ତାରିଖରେ ରାଜ୍ୟ ବଜେଟ୍ ଉପସ୍ଥାପନା କରିବେ । ଏହି ବଜେଟ ଉପସ୍ଥାପନ ଲାଗି ମତଦାନ କରିବେ । ଯାହାକୁ କି ରାଜ୍ୟ ଅର୍ଥମନ୍ତ୍ରୀ ଶଶିଭୂଷଣ ବେହେରାଙ୍କ ଦ୍ୱାରା ଏହା ପ୍ରସ୍ତୁତ କରାଯିବ ।
ଗୃହରେ ଫେବୃଆରୀ ୮ ତାରିଖ ଦିନ ଏହାକୁ ବିଲ୍ ଭାବେ ଉପସ୍ଥାପନ କରାଯିବ । ଏସମ୍ପର୍କରେ ଗୃହରେ ଆଲୋଚନା ହେବାସହ ଅଧିବେଶନର ଶେଷ ଦିବସରେ ପାରିତ କରାଯିବାର ଯୋଜନା ରହିଛି ।
ରାଜ୍ୟ ବିଧାନସଭା ଉଦଘାଟନୀ ଅଧିବେଶନକୁ ରାଜ୍ୟପାଳ ସମ୍ବୋଧିତ କରିବେ ।
ଏହି ଅଧିବେଶନରେ ୭ଟି କାର୍ଯ୍ୟଦିବସ ରହିଥିବା ବେଳେ ସେଥିମଧ୍ୟରେ ୬ଟି ସରକାରୀ କାର୍ଯ୍ୟ ଦିବସ ଓ ଗୋଟିଏ ଘରୋଇ କାର୍ଯ୍ୟ ଦିବସ ରହିଛି । ଆହୁରି ମଧ୍ୟ ଫେବୃଆରୀ ୯ ଓ ୧୦ ତାରିଖରେ ସରକାରୀ ଛୁଟି ଥିବା ନେଇ ସୂଚନା ମିଳିଛି ।