ଜାତୀୟ ଜୁନିୟର ଆଥଲେଟିକ୍ସ ଚାମ୍ପିୟନଶିପ: ଓଡିଶା ପାଇଁ ସ୍ୱର୍ଣ୍ଣ ଜିତିଲେ ଓଁକାର, ଲାଲୁ, ଜୟରାମ

ଗୌହାଟୀ: ଗୌହାଟୀରରେ ଚାଲିଥିବା ଜାତୀୟ ଜୁନିୟର ଆଥଲେଟିକ୍ସ ଚାମ୍ପିୟନଶିପରେ ଓଡିଶା ଆଥଲେଟଙ୍କ ପ୍ରଶଂସନୀୟ ପ୍ରଦର୍ଶନ ଜାରୀ ରହିଛି । ଶୁକ୍ରବାର ଧନମତି ଖେସଙ୍କ ପରେ ଓଡିଶା ପ୍ରତିଯୋଗୀମାନେ ଶନିବାର ଆଉ ୩ ସ୍ୱର୍ଣ୍ଣ ଜିତିଛନ୍ତି । ୧୬ ବର୍ଷରୁ କମ ଶଟପୁଟ ଇଭେଂଟରେ ଓଁକାର ପ୍ରସାଦ ନନ୍ଦ ୧୮.୩୪ ମିଟର ଦୂରତାକୁ ଥ୍ରୋ କରି ହଳଦିଆ ପଦକ ଜିତିଛନ୍ତି । ଏହା ପରେ ୨୦ ବର୍ଷରୁ କମ ୧୦୦ ମିଟର ରେସରେ ଲାଲୁ ଭୋଇ ଏବଂ ୧୮ ବର୍ଷରୁ କମ ବିଭାଗରେ ଜୟରାମ ଡି ସ୍ୱର୍ଣ୍ଣ ପଦକ ଜିତିଛନ୍ତି । ଏହି ୩ ଆଥଲେଟ ଓଡିଶା ରିଲାଏନ୍ସ ଫାଉଣ୍ଡେସନ ଆଥଲେଟିକ୍ସ ହାଇ ପରଫର୍ମାନ୍ସ ସେଂଟରରେ ପ୍ରଶିକ୍ଷଣ ନେଉଛନ୍ତି ।