ଭୁବନେଶ୍ୱର : ଓଡିଶା ରାଜ୍ୟ ସଡକ ପରିବହନ ନିଗମ (ଓଏସଆରଟିସି) ଦ୍ୱାରା ପରିଚାଳିତ ରାଜଧାନୀ ଡିଲକ୍ସ (ଏସି) ବସ ସେବାର ଶୁଭାରମ୍ଭ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁକ୍ରବାର ଦିନ କରିଛନ୍ତି ।
ରାଜଧାନୀ ଭୁବନେଶ୍ୱରରୁ ବିଭିନ୍ନ ଜିଲ୍ଲାକୁ ଆରାମଦାୟକ ଯାତ୍ରା ପାଇଁ ୨୩ଟି ଏସି ଡିଲକ୍ସ ବସ ସେବା ପ୍ରାୟ ୧୧ଟି ରୁଟ୍ ଦେଇ ଚଳାଚଳ କରିବ ।
CM @Naveen_Odisha is flagging off OSRTC’s AC bus services “Rajdhani” today, which will connect #Bhubaneswar to various District Headquarters of #Odisha with AC bus services. In the first phase the service will cover 11 routes with 23 buses.
@TransportOdisha@CTOdisha pic.twitter.com/mJ8pwjKfZL— CMO Odisha (@CMO_Odisha) January 18, 2019
ଭୁବନେଶ୍ୱର-ଫୁଲବାଣୀ, ଭୁବନେଶ୍ୱର-ରାଉରେକଲା, ଭୁବନେଶ୍ୱର-ଭବାନୀପାଟଣା, ଭୁବନେଶ୍ୱର-ଭଂଜନଗର, ଭୁବନେଶ୍ୱର-ରାଜଗାଙ୍ଗପୁର (ଭାୟା-ସୁନ୍ଦରଗଡ), ଭୁବନେଶ୍ୱର-ରାଜ ଖରିଆର (ଭାୟା-ବଲାଙ୍ଗୀର), ଭୁବନେଶ୍ୱର-ଗୋରୁ ମହିଶାଣି (ଭାୟା-କରଞ୍ଜିଆ), ଭୁବନେଶ୍ୱର-ବୁର୍ଲା (ଭାୟା-ସମ୍ବଲପୁର) ଦେଇ ଯାତାୟାତ କରିବ ।
ଖୁବଶୀଘ୍ର ବାକି ଜିଲ୍ଲା ଗୁଡିକୁ ମଧ୍ୟ ଏହି ସେବା ଯୋଗାଇ ଦିଆଯିବ ବୋଲି ଏହି ଅବସରରେ ମୁଖ୍ୟମନ୍ତ୍ରୀ ପ୍ରକାଶ କରିଛନ୍ତି ।
ଆହୁରି ମଧ୍ୟ ଯାତ୍ରୀଙ୍କ ସୁବିଧା ପାଇଁ ଏଥିରେ ଶୀତତାପ ନିୟନ୍ତ୍ରିତ ବ୍ୟବସ୍ଥା ସହ ନିଶୁଳ୍କ ୱାଇ-ଫାଇ ସେବା, ମୋବାଇଲ ଚାର୍ଜିଂ ବ୍ୟବସ୍ଥା , ସିସିଟିଭି କ୍ୟାମେରା, ଜିପିଏସ ଟ୍ରାକିଂ ଭଳି ବ୍ୟବସ୍ଥା ସହ ଶୁଦ୍ଧ ପାନୀୟ ଜଳର ବ୍ୟବସ୍ଥା ମଧ୍ୟ ଏହି ବସରେ ଉପଲବ୍ଧ । ଏଥିସହିତ ଏହି ବସ ଗୁଡିକରେ ଯାତ୍ରୀମାନେ ମୋବାଇଲ ଆପ୍ସ ଜରିଆରେ ମଧ୍ୟ ଅନଲାଇନ ଟିକେଟ୍ ବୁକିଂ କରିପାରିବେ ।
ଏହା ବ୍ୟତୀତ ୪ଟି ଭଲଭୋ ବସର ମଧ୍ୟ ଶୁଭାରମ୍ଭ କରାଯିବ । ଯାହା ଫଳରେ ଭୁବନେଶ୍ୱର-କୋଲକତା ଓ ପାରାଦୀପରୁ ବିଜୟୱାଡା ପର୍ଯ୍ୟନ୍ତ ଯାତ୍ରୀମାନେ ଯାତାୟାତ କରିବ ।
ବର୍ତ୍ତମାନ ସମୟରେ ରାଜ୍ୟ ସଡକ ପରିବହନ ନିଗମ (ଓଏସଆରଟିସି)ର ୪୨୯ଟି ବସ୍ ୩୦ ଜିଲ୍ଲାରେ ଯାତ୍ରୀମାନଙ୍କ ସେବାରେ ନିୟୋଜିତ ହେଉଛି ଏବଂ ଏହାବ୍ୟତୀତ ୪୩ଟି ଆନ୍ଧ୍ରପ୍ରଦେଶ, ପଶ୍ଚିମବଙ୍ଗ, ଝାଡଖଣ୍ଡ ଓ ମଧ୍ୟପ୍ରଦେଶର ପ୍ରମୁଖ ସହରକୁ ଯାତାୟତ କରୁଅଛି ।
ଓଡିଶା ରାଜ୍ୟ ପରିହନ ନିଗମ ୫ଟି ନୂତନ ବସଷ୍ଟାଣ୍ଡର ନିର୍ମାଣ ଜୟପୁର, ବଲାଙ୍ଗିର, ଅନୁଗୁଳ, ବାମରା ଓ ଓଡଗାଁଠାରେ ହାତକୁ ନେଇଛି ଏବଂ ୨୫ଟି ବସଷ୍ଟାଣର ପୁନରୁଦ୍ଧାର କାର୍ୟ୍ୟ ହାତକୁ ନିଆଯାଇଛି । ନିକଟରେ ୫୦ଟି ବ୍ଲକ ସ୍ତରରେ ବସଷ୍ଟାଣ୍ଡ ନିର୍ମାଣ କରାଯିବାର କାର୍ଯ୍ୟକ୍ରମ ରହିଛି ।