ଓଡିଶା ଏଫସି ସହ ଚୁକ୍ତିବଦ୍ଧ ହେଲେ ସଲ କ୍ରେସ୍ପୋ

ଭୁବନେଶ୍ୱର: ଇଣ୍ଡିଆନ ସୁପର ଲିଗର ୯ମ ସଂସ୍କରଣ ପାଇଁ ଜୋରଦାର ପ୍ରସ୍ତୁତି ଆରମ୍ଭ କରିଦେଇଛି ଓଡିଶା ଏଫସି । ଦଳକୁ ଆହୁରି ମଜଭୁତ କରିବା ପାଇଁ ଗୁରୁବାର ସ୍ପେନର ମିଡଫିଲ୍ଡର ସଲ କ୍ରେସ୍ପୋଙ୍କ ସହ କ୍ଲବ ଚୁକ୍ତି କରିଛି । ୨୫ ବର୍ଷୀୟ ଏହି ଷ୍ଟାର ଖେଳାଳି ପ୍ରାରମ୍ଭିକ ପର୍ଯ୍ୟାୟରେ ୧ ବର୍ଷ ପାଇଁ ଚୁକ୍ତିବଦ୍ଧ ହୋଇଛନ୍ତି । ସେ ତାଙ୍କ କ୍ୟାରିୟରରେ ୧୧୯ ମ୍ୟାଚ ଖେଳି ସାରିଛନ୍ତି । ଏଥିରେ ଲା ଲିଗା ୨ର ୫୫ ମ୍ୟାଚ ଏବଂ କୋପା ଡେଲ ରେର ୯ ମ୍ୟାଚ ସାମିଲ । ସିନିୟର ଖେଳାଳି ଭାବେ ୨୦୧୫ରେ କ୍ରେସ୍ପୋ ପୋନଫେରାଡିନା ପକ୍ଷରୁ ପଦାର୍ପଣ କରିଥିଲେ । ସେହିପରି ୨୦୧୯ରେ ୟୁରି ଡି ସୌଜା ପକ୍ଷରୁ ପ୍ରଫେଶନାଲ ଡେବ୍ୟୁ କରିଥିଲେ । ଆନ୍ତର୍ଜାତୀୟ ଅଭିଜ୍ଞତା ସମ୍ପନ୍ନ କ୍ରେସ୍ପୋଙ୍କ ଉପସ୍ଥିତି ଦଳକୁ ଫାଇଦାରେ ରଖିବ ବୋଲି ଟିମ ମ୍ୟାନେଜମେଂଟ ପକ୍ଷରୁ କୁହାଯାଇଛି ।