ଭୁୁବନେଶ୍ୱର: ମହାମାରୀର ରୂପ ନେଇଥିବା କରୋନା ଭୁତାଣୁ ଦିନକୁ ଦିନ ନିଜ କାୟ ବିସ୍ତାର କରିବାରେ ଲାଗିଛି । ତେବେ ଏଥିରେ ସାମାନ୍ୟ ବର୍ତି ଯାଇଛି ଓଡ଼ିଶା । ଓଡ଼ିଶାରୁ ଚିହ୍ନଟ ହୋଇଥିବା ୪ଜଣ ବ୍ୟକ୍ତିଙ୍କ ରକ୍ତ ନମୁନା ନେଗେଟିଭ୍ ବାହାରିଛି । ଆଗକୁ କୌଣସି ବ୍ୟକ୍ତିଙ୍କୁ କରୋନା ଭାଇରସର କିଛି ଲକ୍ଷଣ ନଜରକୁ ଆସିଲେ ଜଣାଇବାକୁ ଅନୁରୋଧ କରାଯାଇଛି । ଏନେଇ ଡିଏମ୍ଇଟି ନିର୍ଦ୍ଦେଶକ ଡା.ସିବିକେ ମହାନ୍ତି ସୂଚନା ଦେଇଛନ୍ତି । 
ସୂଚନା ମୁତାବକ କରୋନା ଆକ୍ରାନ୍ତ ସନ୍ଦେହରେ ଭୁବନେଶ୍ୱରରୁ ୫ ଜଣ ବ୍ୟକ୍ତିଙ୍କ ରକ୍ତ ନମୁନା ପୁଣେ ପଠାଯାଇଥିଲା । ତେବେ ୫ ଜଣଙ୍କ ମଧ୍ୟରୁ ୪ଜଣଙ୍କ ରକ୍ତ ନମୁନା ଯାଂଚ ରିପୋର୍ଟ ଆସିଛି । ଏଥିରେ ୪ ଜଣଙ୍କ ରିପୋର୍ଟ ନେଗେଟିଭ ଥିବା ଜଣାପଡିଛି । ତେବେ କନ୍ଧମାଳରୁ ଆସିଥିବା ଯୁବକଙ୍କ ରକ୍ତ ପରୀକ୍ଷାର ରିପୋର୍ଟ ଏପର୍ଯ୍ୟନ୍ତ ଆସିନାହିଁ । ଏଥିପାଇଁ ସମୟ ଲାଗିବ ।
ସେପଟେ ଆଜି ଆଉ ଜଣେ ଛାତ୍ର ଚୀନ୍ରୁ ଓଡ଼ିଶାକୁ ଫେରିଛନ୍ତି । ସୁରକ୍ଷା ଦୃଷ୍ଟିରୁ ତାଙ୍କୁ ହୋମ ଅବଜରଭେସନରେ ରଖାଯାଇଛି । ବାହାରୁ ଆସୁଥିବା ଛାତ୍ରଛାତ୍ରୀଙ୍କ ଉପରେ ସ୍ୱତନ୍ତ୍ର ନଜର ରଖିବା ପାଇଁ ସବୁ ଶିକ୍ଷାନୁଷ୍ଠାନଗୁଡିକୁ ନିର୍ଦ୍ଦେଶ ଦିଆଯାଇଛି । ଯଦି କୌଣସି ଛାତ୍ରଛାତ୍ରୀଙ୍କ ଠାରେ ଥଣ୍ଡା, କାଶ, ଛାଡୁ ନଥିବା ଲକ୍ଷଣ ଦେଖାଯାଏ ତେବେ ଶିକ୍ଷାନୁଷ୍ଠାନକୁ ଜଣାଇବାକୁ ନିର୍ଦ୍ଦେଶ ଦିଆଯାଇଛି ବୋଲି ଡିଏମ୍ଇଟି ଡ଼ା.ସିବିକେ ମହାନ୍ତି ସୂଚନା ଦେଇଛନ୍ତି ।
Comments are closed.