ଭୁବନେଶ୍ୱର: ଓଡିଆ ଝିଅ ସୋନାଲି ସାହୁଙ୍କୁ ଭାରତର ନେକ୍ସଟ ଟପ୍ ମଡେଲ୍ ସିଜନ୍ ୩ରେ ଦ୍ୱିତୀୟ ରନର୍ସ ଅପ୍ ମୁକୁଟ ପିନ୍ଧାଯାଇଛି।
ନୂଆଦିଲ୍ଲୀ ହୋଟେଲରେ ଆୟୋଜିତ ହୋଇଥିବା ଜାତୀୟ ସ୍ତରର ସୌନ୍ଦର୍ଯ୍ୟ ପ୍ରତିଯୋଗିତାର ଫଳାଫଳ ଗୁରୁବାର ଘୋଷଣା କରାଯାଇଛି। ଅନ୍ତିମ ପର୍ଯ୍ୟାୟରେ ୩୫ ଜଣ ପ୍ରତିଯୋଗୀଙ୍କ ମଧ୍ୟରେ ସୋନାଲି ସ୍ଥାନ ପାଇଥିଲେ।
ଏହି ପ୍ରତିଯୋଗିତାରେ ବଲିଉଡ ଅଭିନେତ୍ରୀ ଜୋୟା ଆଫୋଜ ଜଣେ ଜୁରି ସଦସ୍ୟ ଥିଲେ। ଏହି ଶୋ’କୁ କୁଲଦୀପ ଶର୍ମା କୋରିଓଗ୍ରାଫ୍ କରିଥିଲେ।
ଜାନୁୟାରୀ ୩୧, ୨୦୨୧ରେ ଭୁବନେଶ୍ୱରରେ ଆୟୋଜିତ ରାଜ୍ୟ ସ୍ତରୀୟ ଅଡିସନରୁ ଭୁବନେଶ୍ୱରରୁ ସୋନାଲିଙ୍କୁ ମନୋନୀତ କରାଯାଇଥିଲା। ଓଡିଶାରେ ଏହି ଅଡିସନ୍ ଓଡିଶା ଫ୍ୟାଶନ୍ ଭିଲ୍ଲା ଦ୍ୱାରା ଆୟୋଜିତ ହୋଇଥିଲା ଏବଂ ଜାତୀୟ ପାଜେଣ୍ଟ ପ୍ରଶିକ୍ଷକ ତଥା ମଡେଲ୍ ଗ୍ରୁମର୍ ଅଭିଜିତ୍ ମହାନ୍ତିଙ୍କ ଦ୍ୱାରା ପରିଚାଳିତ ହୋଇଥିଲା।