ବ୍ରହ୍ମପୁର: ମୁଖ୍ୟମନ୍ତ୍ରୀ ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ରାଜନୈତିକ ମୈଦାନ କୁହାଯାଉଥିବା ଗଞ୍ଜାମ ଜିଲ୍ଲାର ଆସ୍କା ଲୋକସଭା ନିର୍ବାଚନ ମଣ୍ଡଳୀ ବ୍ରହ୍ମପୁରରେ ଦେଖିବାକୁ ମିଳିଛି ଏକ ନିଆରା ନିର୍ବାଚନୀ ଲଢ଼େଇ। ଜନତା ଦଳ, ବିଜେଡି ଓ ବିଜେପିର ଅଭିଜ୍ଞ ନେତା ସ୍ୱର୍ଗତ ରାମକୃଷ୍ଣ ପଟ୍ଟନାୟକ ଏବଂ ବିଜେଡି ନେତା ତଥା କୋଦଳା ଏନଏସିର ପୂର୍ବତନ ଅଧ୍ୟକ୍ଷ ହର ପ୍ରସାଦ ସାହୁଙ୍କ ଝିଅ ଆଗାମୀ ଲୋକସଭା ନିର୍ବାଚନରେ ଆସିକା ଆସନ ପାଇଁ ପରସ୍ପର ସହ ପ୍ରତିଦ୍ୱନ୍ଦ୍ୱିତା କରିବାକୁ ଯାଉଛନ୍ତି।
ରାମକୃଷ୍ଣଙ୍କ ଝିଅ ଅନିତା ଶୁଭଦର୍ଶିନୀ ରାଜନୀତି ବିଜ୍ଞାନରେ ସ୍ନାତକୋତ୍ତର ଓ ଆଇନରେ ସ୍ନାତକ। ଏହା ପୂର୍ବରୁ ୨୦୧୯ ନିର୍ବାଚନରେ ସେ ପ୍ରମିଳା ବିଷୋୟୀଙ୍କ ବିପକ୍ଷରେ ୨,୦୬,୧୧୫ ଖଣ୍ଡ ଭୋଟ ପାଇଥିବା ବେଳେ ପ୍ରମିଳା ୫,୫୨,୩୬୪ ଖଣ୍ଡ ଭୋଟ ପାଇ ବିଜୟୀ ହୋଇଥିଲେ। ଏଥର ହର ପ୍ରସାଦଙ୍କ ଝିଅ ବିଜେଡିର ରଞ୍ଜିତାଙ୍କ ବିପକ୍ଷରେ ପୁଣି ଥରେ ବିଜେପି ଟିକେଟରେ ନିର୍ବାଚନ ଲଢିବାକୁ ଯାଉଛନ୍ତି ଅନିତା।
ରଞ୍ଜିତା ଗତ ଦୁଇ ବର୍ଷ ଧରି କବିସୂର୍ଯ୍ୟନଗର ବିଧାନସଭା ନିର୍ବାଚନ ମଣ୍ଡଳୀରେ ରାଜନୈତିକ ଭାବେ ସକ୍ରିୟ ଅଛନ୍ତି ଏବଂ ୭ ହଜାର ସଦସ୍ୟ ବିଶିଷ୍ଟ କବିସୂର୍ଯ୍ୟ ଯୁବ ସଂଘର ନେତୃତ୍ୱ ନେଉଛନ୍ତି। ଅନିତାଙ୍କ ତୃଣମୂଳ ସ୍ତରର କାର୍ଯ୍ୟ ଏହି ନିର୍ବାଚନମଣ୍ଡଳୀରେ ବିଜେପିର ଭୋଟ ପ୍ରତିଶତ ବୃଦ୍ଧିରେ ସହାୟକ ହୋଇଥିବା ବେଳେ ନବୀନଙ୍କ ଗଡ଼ ହିଞ୍ଜିଳି ସମେତ ପୋଲସରା, କବିସୂର୍ଯ୍ୟନଗର, ଖଲ୍ଲିକୋଟ, ଆସ୍କା, ସୁରଡ଼ା ଓ ସାନଖେମୁଣ୍ଡି ସମେତ ସମସ୍ତ ସାତଟି ବିଧାନସଭା ନିର୍ବାଚନ ମଣ୍ଡଳୀର ଭୋଟରଙ୍କ ସହ ଯୋଡ଼ି ହେବା ନେଇ ରଞ୍ଜିତା ଆଶାବାଦୀ ଅଛନ୍ତି।
ନିଜ ପରିବାରର ତିନି ଦଶନ୍ଧିର ରାଜନୈତିକ ସେବା ପାଇଁ ଗର୍ବିତ ରଂଜିତା ଭୋଟରଙ୍କୁ ଆକୃଷ୍ଟ କରିବା ପାଇଁ ସରକାରୀ ଉନ୍ନୟନ ମୂଳକ ପ୍ରକଳ୍ପ ଉପରେ ଧ୍ୟାନ ଦେବାକୁ ଯୋଜନା କରିଛନ୍ତି। ତାଙ୍କ ମା’ ସୁନୀତାପ୍ରଭା ସାହୁ ମଧ୍ୟ କୋଦଳା ଏନ୍ଏସିର ପୂର୍ବତନ ଅଧ୍ୟକ୍ଷା ଭାବେ କାର୍ଯ୍ୟ କରିଥିଲେ। ଆସ୍କା ଲୋକସଭା ନିର୍ବାଚନ ମଣ୍ଡଳୀରେ ମେ ୨୦ ତାରିଖରେ ମତଦାନ ହେବ।