ଭୁବନେଶ୍ୱର: ରାଜ୍ୟକୁ ଫେରିଛି ଶୀତ । ଗତ ଦୁଇ ଦିନ ହେବ ରାତିରେ ପ୍ରବଳ ଥଣ୍ଡା ଅନୁଭୂତ ହେଉଛି । ପାଣିପାଗ ବିଭାଗ ସୂଚନା ଦେଇଛି ଶୀତ ଲହରି ଆହୁରି ୪-୫ ଦିନ ରହିବ । ଆଜି ରାଜ୍ୟର ୧୦ଟି ସହରରେ ସର୍ବନିମ୍ନ ତାପମାତ୍ର ୧୦ ଡିଗ୍ରୀ ସେଲସିୟସ ତଳେ ରେକର୍ଡ କରାଯାଇଛି ।
କନ୍ଧମାଳ ଜିଲ୍ଲାରେ ହାଡ଼ଭଙ୍ଗା ଶୀତ । ଜି. ଉଦୟଗିରରେ ସର୍ବନିମ୍ନ ୪ ଡିଗ୍ରୀ ସେଲସିୟସ ଓ ଫୁଲବାଣୀରେ ୫ ଡିଗ୍ରୀ ସେଲସିୟସ୍ ତାପମାତ୍ରା ରେକର୍ଡ କରାଯାଇଛି । ସେହିପରି ବୌଦ୍ଧରେ ୯, ବାରିପଦାରେ ୯.୬, ଝାରସୁଗୁଡ଼ାରେ ୭.୫, କେନ୍ଦୁଝରରେ ସର୍ବନିମ୍ନ ତାପମାତ୍ରା ରହିଛି ୮.୪ ଡିଗ୍ରୀ ସେଲସିୟସ ରହିଛି ।
ଆହୁରି ୪ ରୁ ୫ ଦିନ ଶୀତ.. ରାଜ୍ୟରେ ବିଭିନ୍ନ ସ୍ଥାନରେ ଶୀତଲହରୀ ଅନୁଭୂତ #ଜି.#ଉଦୟଗିରିରେ ୪ ଡ଼ିଗ୍ରୀ #ଫୁଲବାଣୀରେ ୫,#ବୌଦ୍ଧ ୯, #ବାରିପଦା ୯.୬, #ଝାରସୁଗୁଡା ୭.୫, #କେନ୍ଦୁଝର ୮.୪, #ସୁନ୍ଦରଗଡ ୯, #ବଲାଙ୍ଗୀର ୭.୮, #ସୋନପୁର ୮.୬, #ଦାରିଙ୍ଗବାଡି ୯ #ଭୁବନେଶ୍ୱର ରେ ୧୩.୮ଡ଼ିଗ୍ରୀ ଏବଂ #କଟକ ରେ ୧୨ ଡ଼ିଗ୍ରୀ ରାତ୍ରି ତାପମାତ୍ର pic.twitter.com/C3N26cqOB4
— Meteorological Centre, Bhubaneswar (@mcbbsr) February 1, 2021
ସୁନ୍ଦରଗଡ଼ରେ ୯, ବଲାଙ୍ଗିରରେ ୭.୮, ସୋନପୁର ୮.୬, ଦାରିଙ୍ଗିବାଡ଼ିରେ ୯ ଡିଗ୍ରୀ ସେଲସିୟସ୍ ତାପମାତ୍ରା ରେକର୍ଡ ହୋଇଛି । ଭୁବନେଶ୍ୱରରେ ୧୩.୮ ଡିଗ୍ରୀ ଓ କଟକରେ ୧୨ ଡିଗ୍ରୀ ରହିଛି ରାତିର ସର୍ବନିମ୍ନ ତାପମାତ୍ରା ।
ଝାରସୁଗୁଡ଼ା ଓ ବଲାଙ୍ଗିରରେ ତୀବ୍ର ଶୀତ ଲହରି ଆଲର୍ଟ ଜାରି କରିଛି ପାଣିପାଗ ବିଭାଗ । ସେହିପରି ଚାନ୍ଦବାଲି, ବାଲେଶ୍ୱର, କେନ୍ଦୁଝର, ଫୁଲବାଣୀ, ଜି. ଉଦୟଗିରି, ବାରିପଦାରେ ଶୀତ ଲହରି ଅନୁଭୂତ ହେଉଛି ।