ଭୁବନେଶ୍ୱର: ହଂକଂ ଏବଂ ସିଙ୍ଗାପୁର ସମେତ ବିଭିନ୍ନ ଏସୀୟ ଅଞ୍ଚଳରେ କୋଭିଡ୍-୧୯ ମାମଲା ବୃଦ୍ଧି ପାଇବା ପରେ ଓଡ଼ିଶା ସତର୍କ ରହିଛି।
ରାଜ୍ୟ ସ୍ୱାସ୍ଥ୍ୟ ପ୍ରଶାସନ ପରିସ୍ଥିତି ଉପରେ କଡ଼ା ନଜର ରଖିଛି। ବିପଦର ମୂଲ୍ୟାଙ୍କନ ଏବଂ ତଦନୁସାରେ ପ୍ରସ୍ତୁତି ପାଇଁ ବିଶ୍ୱ ସ୍ୱାସ୍ଥ୍ୟ ସଂଗଠନ ସହିତ ଆଲୋଚନା ଆରମ୍ଭ ହୋଇଛି। ଏନେଇ ଜନସ୍ୱାସ୍ଥ୍ୟ ନିର୍ଦ୍ଦେଶକ ଡାକ୍ତର ନୀଳକଣ୍ଠ ମିଶ୍ର ଶନିବାର କହିଛନ୍ତି।
କୋଭିଡ୍-୧୯ର ନୂତନ ଭାରିଆଣ୍ଟ ବିଷୟରେ ଆମ ପାଖରେ କୌଣସି ସୂଚନା ନାହିଁ। ଭାରତରେ ଏପର୍ଯ୍ୟନ୍ତ କୌଣସି ସ୍ୱତନ୍ତ୍ର ସତର୍କତା ଜାରି କରାଯାଇ ନାହିଁ। ଆମେ କେନ୍ଦ୍ର ସହିତ ଯୋଗାଯୋଗରେ ଅଛୁ। କେନ୍ଦ୍ର ସରକାରଙ୍କ ନିର୍ଦ୍ଦେଶ ଅନୁଯାୟୀ ସମ୍ଭାବ୍ୟ କୋଭିଡ୍ ପରିସ୍ଥିତିର ମୁକାବିଲା ପାଇଁ ରାଜ୍ୟ ସରକାର ପଦକ୍ଷେପ ନେବେ ବୋଲି ସେ ପ୍ରକାଶ କରିଛନ୍ତି। ତେବେ ଦୀର୍ଘ ଦିନ ଧରି ଓଡ଼ିଶାରେ କୌଣସି ନୂତନ ପଜିଟିଭ୍ ମାମଲା ରିପୋର୍ଟ ହୋଇନାହିଁ।
ଅଧିକ ପଢନ୍ତୁ- ମାଡ଼ି ଆସୁଛି କୋଭିଡର ନୂଆ ୱେଭ୍! ଏହି ସବୁ ଦେଶରେ ଅଚାନକ ବଢିଲା ଆକ୍ରାନ୍ତଙ୍କ ସଂଖ୍ୟା
ହଂକଂ ଏବଂ ସିଙ୍ଗାପୁରରେ କୋଭିଡ୍-୧୯ ମାମଲା ବୃଦ୍ଧି ପାଉଛି, ଯାହା ଫଳରେ ସ୍ୱାସ୍ଥ୍ୟ ଅଧିକାରୀମାନେ ସମଗ୍ର ଏସିଆରେ ଏକ ନୂତନ ଲହରୀ ବ୍ୟାପିବା ନେଇ ସତର୍କ କରାଇଛନ୍ତି। ତେବେ ରୋଗ ପ୍ରତିରୋଧକ ଶକ୍ତି ହ୍ରାସ ପାଇବା ଯୋଗୁଁ କୋଭିଡ୍ ବୃଦ୍ଧି ହୋଇପାରେ।
Comments are closed.