ଭୁବନେଶ୍ୱର: ତିନି ଜଣ ଆନ୍ତଃ ରାଜ୍ୟ ବ୍ୟାଙ୍କ ଆକାଉଣ୍ଟ ସ୍କାର୍ମସ ବା ଅପରାଧୀଙ୍କୁ ଗିରଫ କରିଛି ଓଡ଼ିଶା ରାଜ୍ୟ କ୍ରାଇମବ୍ରାଞ୍ଚର ସ୍ପେସାଲ୍ ଟାସ୍କ ଫୋର୍ସ (ଏସଟିଏଫ୍)। ଏମାନେ ଅନ୍ୟ ଜଣଙ୍କର ବ୍ୟାଙ୍କ ଆକାଉଣ୍ଟ ଖୋଲି ଦେଉଥିଲେ ଏବଂ ଏଥିପାଇଁ ସଂପୃକ୍ତ ବ୍ୟକ୍ତିଙ୍କୁ ୨ ହଜାର ଟଙ୍କାର କମିସନ ଦେଉଥିଲେ ହେଲେ ସେହି ଆକାଉଣ୍ଟର ତଥ୍ୟ ସାଇବର ଅପରାଧୀଙ୍କୁ ଦେଉଥିଲେ। ଯେଉଁମାନେ ଏହି ବ୍ୟାଙ୍କ ଆକାଉଣ୍ଟ ଉପରେ ନଜର ରଖୁଥିଲେ। ଆଉ ଏପରି କରି ତିନି ଗିରଫ ଅଭିଯୁକ୍ତ ମାସିକ ଦରମା ପାଉଥିଲେ ବୋଲି ଜଣାପଡ଼ିଛି।
ଶେଖ ହାପିଜୁଲ, ଶେଖ ଜାହାଙ୍ଗିର ଓ ଶେଖ ଜମିରୁଦ୍ଦିନ ନାମକ ଅଭିଯୁକ୍ତ ସେମାନଙ୍କ କାଗଜପତ୍ର ବ୍ୟବହାର କରି ଓଡ଼ିଶା, ପଶ୍ଚିମବଙ୍ଗ ଓ ଝାଡ଼ଖଣ୍ଡର ନିରୀହ ଗ୍ରାମବାସୀଙ୍କୁ ବ୍ୟାଙ୍କ ଆକାଉଣ୍ଟ ଖୋଲିବା ପାଇଁ ପ୍ରବର୍ତ୍ତାଇଥିଲେ। ଏଥିପାଇଁ ଗ୍ରାମବାସୀଙ୍କୁ ପ୍ରତ୍ୟେକ ଆକାଉଣ୍ଟ ପାଇଁ ୨ ହଜାର ଟଙ୍କା ଲେଖାଏଁ କମିସନ ଦେବାକୁ କୁହାଯାଇଥିଲେ ମଧ୍ୟ ଅଭିଯୁକ୍ତଙ୍କ ଅପରାଧିକ ଉଦ୍ଦେଶ୍ୟ ସମ୍ପର୍କରେ ସେମାନେ ଅଜ୍ଞ ଥିଲେ।
ଅନଲାଇନ୍ ନେଣଦେଣ ପାଇଁ ଆବଶ୍ୟକ ଓ୍ୱାନ ଟାଇମ୍ ପାସ୍ଓ୍ୱାର୍ଡ (ଓଟିପି) ପାଇବା ପାଇଁ ସାଇବର ଅପରାଧୀଙ୍କ ମୋବାଇଲ୍ ନମ୍ବର ସହ ଏହି ଆକାଉଣ୍ଟଗୁଡ଼ିକ ଲିଙ୍କ୍ କରାଯାଇଥିଲା। ଏହାପରେ ଅଭିଯୁକ୍ତମାନେ ପ୍ରତ୍ୟେକ ଖର୍ଚ୍ଚର ଆକାଉଣ୍ଟକୁ ସାଇବର ସ୍କାମରଙ୍କୁ ୨୦ ହଜାର ଟଙ୍କାରେ ବିକ୍ରି କରିଦେଇଥିଲେ।
ବେଆଇନ ଭାବେ ଅର୍ଜିତ କୋଟି କୋଟି ଟଙ୍କା ଖର୍ଚ୍ଚର ଆକାଉଣ୍ଟରେ ରଖାଯାଇଥିବା କେତେକ ଆର୍ଥିକ ଠକେଇ ମାମଲାର ତଦନ୍ତ କରୁଥିବା ବେଳେ ଏହି ଗ୍ୟାଙ୍ଗ ସମ୍ପର୍କରେ ଏସଟିଏଫ୍କୁ ସୁରାକ୍ ମିଳିଥିଲା। ଏସଟିଏଫ କହିଛି ଯେ, ସାଇବର ଠକେଇକାରୀମାନେ ଟ୍ରାଞ୍ଜାକସନ ରାଶି ୧ ଲକ୍ଷ ଟଙ୍କାରେ ପହଞ୍ଚିବା ପରେ ସାଧାରଣତଃ ଖର୍ଚ୍ଚର ବ୍ୟାଙ୍କ ଆକାଉଣ୍ଟକୁ ଆଉ ବ୍ୟବହାର କରୁନଥିଲେ।
ଏସଟିଏଫ୍ ଗିରଫ ବ୍ୟକ୍ତିଙ୍କ ବ୍ୟାଙ୍କ ଆକାଉଣ୍ଟ ଯାଞ୍ଚ କରିବା ସହ ବିଭିନ୍ନ ରାଜ୍ୟରେ ଏତେ ସଂଖ୍ୟକ ସାଇବର ଠକଙ୍କ ସହ କିପରି ଯୋଗାଯୋଗ କରିପାରିଲା ସେ ନେଇ ଖୋଳତାଡ଼ କରୁଛି।
Comments are closed.