ଭୁବନେଶ୍ୱର: ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ରାଜ୍ୟରେ ପ୍ଲସ୍ ଥ୍ରୀ ବା ଯୁକ୍ତ ତିନି ଛାତ୍ରଛାତ୍ରୀଙ୍କ ପାଇଁ ଏକ ଏକାଡେମିକ୍ ପ୍ରଶ୍ନପତ୍ର ବ୍ୟାଙ୍କ୍ ତିଆରି କରାଯାଉଛି। ଜାତୀୟ ସୂଚନା ବିଜ୍ଞାନ କେନ୍ଦ୍ର ପକ୍ଷରୁ ପ୍ରସ୍ତୁତ ହେଉଥିବା ଡିଗ୍ରୀ କଲେଜଗୁଡ଼ିକ ପାଇଁ ଏକ ସମନ୍ୱିତ ଓ୍ବେବ ପୋର୍ଟାଲରେ ଏହି ପ୍ରଶ୍ନ ବ୍ୟାଙ୍କ ଉପଲବ୍ଧ ହେବ।
ଏହି ପ୍ରଶ୍ନପତ୍ର ବ୍ୟାଙ୍କ ଛାତ୍ରଛାତ୍ରୀ ଏବଂ ଅନ୍ୟ ଅଂଶୀଦାରମାନଙ୍କୁ ପରୀକ୍ଷା ପାଇଁ ପ୍ରସ୍ତୁତି କରିବା ଏବଂ ପାଠ ପଢିବା ଯୋଜନାକୁ ଆଗକୁ ବଢାଇବା ପାଇଁ ଏକ ମୂଲ୍ୟବାନ ସମ୍ବଳ ପ୍ରଦାନ କରି ଲାଭବାନ ହେବ ବୋଲି ଆଶା କରାଯାଉଛି।
ସିଏଚ୍ଏସ୍ଇ, ପକ୍ଷରୁ ଦ୍ୱାଦଶ କିମ୍ବା ଯୁକ୍ତ ଦୁଇ ଶ୍ରେଣୀ ଛାତ୍ରଛାତ୍ରୀଙ୍କ ପାଇଁ ପୂର୍ବରୁ ପ୍ରଶ୍ନପତ୍ର ବ୍ୟାଙ୍କ ଆରମ୍ଭ କରାଯାଇଛି। ସିଏଚସିଇ ପ୍ରଶ୍ନ ବ୍ୟାଙ୍କର ପ୍ରଥମ ପର୍ଯ୍ୟାୟରେ ଫିଜିକ୍ସ, କେମିଷ୍ଟ୍ରି, ବାୟୋଲୋଜି, ଗଣିତ ଆଦି ବିଷୟରେ ପ୍ରଶ୍ନ ରହିଛି। ଅନ୍ୟ ବିଷୟରେ ମଧ୍ୟ ଖୁବ୍ ଶୀଘ୍ର ପ୍ରଶ୍ନପତ୍ର ପଠାଯିବ।
ପ୍ଲସ୍ ଥ୍ରୀ ଛାତ୍ରଛାତ୍ରୀଙ୍କ ପାଇଁ ଏକାଡେମିକ୍ ପ୍ରଶ୍ନପତ୍ର ବ୍ୟାଙ୍କ ଉପଲବ୍ଧ ହେବା ଏକ ସ୍ୱାଗତଯୋଗ୍ୟ ପଦକ୍ଷେପ ଯାହା ସେମାନଙ୍କୁ କ୍ଯାରିଅରରେ ସଫଳତା ହାସଲ କରିବାରେ ସହାୟକ ହେବ।
Comments are closed.