ଭୁବନେଶ୍ୱର:ଅହମ୍ମଦାବାରେ ଚାଲିଥିବା ମୁମ୍ବାଇ ବିପକ୍ଷ ରଣଜୀ ଟ୍ରଫି କ୍ରିକେଟ ମ୍ୟାଚରେ ଓଡିଶା ପରାଜୟ ଏଡାଇବା ପାଇଁ ସଂଘର୍ଷ ଜାରୀ ରଖିଛି । ଓଡିଶା କୋଚ ୱାସିମ ଜାଫରଙ୍କ ଭଣଜା ଅର୍ମାନଙ୍କ ଆକର୍ଷଣୀୟ ଶତକ ଯୋଗୁ ଓଡିଶା ବ୍ୟାକଫୁଟକୁ ଠେଲି ହୋଇଯାଇଛି । ପ୍ରଥମେ ବ୍ୟାଟିଂ କରି ମୁମ୍ବାଇ ୯ ୱିକେଟ ବିନିମୟରେ ୫୩୨ ରନ କରି ଇନିଂସ ଘୋଷଣା କରିଥିଲା । ସର୍ଫରାଜ ଖାଁ ୧୬୫ ଓ ଅର୍ମାନ ଜାଫର ୧୨୫ ରନର ଇନିଂସ ଖେଳିଥିଲେ । ଜବାବରେ ଓଡିଶା ୨୮୪ ରନ କରି ଅଲଆଉଟ ହୋଇ ଯାଇଥିଲା । ତୃତୀୟ ଦିବସ ଖେଳ ଶେଷ ସୁଦ୍ଧା ଫଲୋଅନ ପରେ ଓଡିଶା ଦ୍ୱିତୀୟ ଇନିଂସରେ ୫ ୱିକେଟ ହରାଇ ୮୪ ରନ ସଂଗ୍ରହ କରିଛି ।
ଦଳ ଏବେ ବି ମୁମ୍ବାଇ ସ୍କୋରଠାରୁ ୧୬୪ ରନ ପଛରେ ରହିଛି । ଅଭିଷେକ ରାଉତ ୩୧ ଓ ଦେବାଶୀଷ ସାମନ୍ତରାୟ ୯ ରନ କରି ଅପରାଜିତ ରହିଛନ୍ତି ।
Comments are closed.