ଜୟପୁର: ଏଠାରେ ଗୁରୁବାର ଖେଳାଯାଇଥିବା ବିଜୟ ହଜାରେ ଟ୍ରଫିର ଏକ ମ୍ୟାଚରେ ଓଡିଶା ୭୫ ରନରେ ଉତରାଖଣ୍ଡକୁ ପରାସ୍ତ କରିଛି । ପ୍ରଥମେ ବ୍ୟାଟିଂ କରି ଓଡିଶା ୭ ୱିକେଟ ବିନିମୟରେ ୨୬୫ ରନ କରିଥିଲା । ସ୍ୱସ୍ତିକ ସାମଲ ୫୩, କାର୍ତିକ ବିଶ୍ୱାଳ ୬୯, ଗୌରବ ଚୌଧୂରୀ ୩୬ ଓ ଆଶୀର୍ବାଦ ସ୍ୱାଇଁ ୩୮ ରନ କରିଥିଲେ । ଉତରଖଣ୍ଡ ପକ୍ଷରୁ ଦୀପକ ଢ଼ାପଲ ଓ ଯୁବରାଜ ଚୌଧୁରୀ ୨ଟି ଲେଖାଏଁ ୱିକେଟ ନେଇଥିଲେ । ୨୬୬ ରନର ବିଜୟ ଲକ୍ଷ୍ୟକୁ ପିଛା କରି ଉତରାଖଣ୍ଡ ୪୧.୫ ଓଭରରେ ୧୯୦ ରନରେ ଅଲଆଉଟ ହୋଇ ଯାଇଥିଲା । କୁନାଳ ଚାଣ୍ଡେଲା ୪୨ ଓ ଶାସ୍ୱତ ଧଙ୍ଗଲ ୩୮ ରନ କରିଥିଲେ ।
ଅନ୍ୟ ବ୍ୟାଟ୍ସମ୍ୟାନ ଓଡିଶା ବୋଲରଙ୍କ ଉଚିତ ମୁକାବିଲା କରିପାରି ନ ଥିଲେ । ରାଜେଶ ମହାନ୍ତି ସର୍ବାଧିକ ୫ଟି ୱିକେଟ ନେଇଥିଲେ । ପ୍ରୟାସ ସିଂ ଓ ଅଭିଷେକ ରାଉତ ୨ଟି ଲେଖାଏଁ ୱିକେଟ ଅକ୍ତିଆର କରିଥିଲେ । ପ୍ରଭାବୀ ପ୍ରଦର୍ଶନ ପାଇଁ ରାଜେଶ ପ୍ଲେୟାର ଅଫ ଦି ମ୍ୟାଚ ବିବେଚିତ ହୋଇଥିଲେ । ବିଜୟ ସହ ଓଡିଶା ୩ଟି ମ୍ୟାଚରୁ ୪ ପଂଏଟ ହାସଲ କର ଷଷ୍ଠ ସ୍ଥାନରେ ରହିଛି ।