ନନ୍ଦନକାନନରେ ୬ ନୂଆ ଅତିଥି

ଭୁବନେଶ୍ୱର: ନନ୍ଦନକାନନରେ ୬ ନୂଆ ଅତିଥି । ଭୁବନେଶ୍ୱର ସ୍ଥିତ ନନ୍ଦନକାନନ ପ୍ରାଣୀ ଉଦ୍ୟାନକୁ ମଙ୍ଗଳବାର ରାତିରେ ଚାରିଟି ପୁରୁଷ ଏସିଆଟିକ୍ ସିଂହ ଏବଂ ଦୁଇଟି ସିଆଳ ଅଣାଯାଇଛି।

କେନ୍ଦ୍ରୀୟ ପ୍ରାଣୀ ଉଦ୍ୟାନ ପ୍ରାଧିକରଣ ଦ୍ୱାରା ଅନୁମୋଦିତ ପଶୁ ବିନିମୟ କାର୍ଯ୍ୟକ୍ରମ ଅଧୀନରେ ଛତିଶଗଡର କାନନ ପେଣ୍ଡାରୀ ପ୍ରାଣୀ ଉଦ୍ୟାନରୁ ଏହି ନୂଆ ଅତିଥି ମାନଙ୍କୁ ଅଣାଯାଇଛି ।

ଏହା ବଦଳରେ ନନ୍ଦନକାନ କର୍ତ୍ତୃପକ୍ଷ କାନନ ପେଣ୍ଡାରୀ ପ୍ରାଣୀ ଉଦ୍ୟାନକୁ ଦୁଇଟି ଜଳହସ୍ତି ପଠାଇବା ନେଇ ଜଣାପଡିଛି ।

ଏହି ନୂଆ ଅତିଥୀଙ୍କ ଆଗମନରେ, ନନ୍ଦନକାନନରେ ସିଂହ ସଂଖ୍ୟା ୧୫ (୮ ପୁରୁଷ, ୭ ମହିଳା) କୁ ବୃଦ୍ଧି ପାଇଛି ଏବଂ ସିଆଳଙ୍କ ସଂଖ୍ୟା ପାଞ୍ଚକୁ ବୃଦ୍ଧି ପାଇଛି।