କେନ୍ଦୁଝର : ଖଟରେ ଶୋଇଥିବା ବେଳେ ନିଆଁ ଲାଗି ଜୀଅନ୍ତା ଜଳିଗଲେ ବୃଦ୍ଧ । ମୃତକ ହେଲେ ୭୦ ବର୍ଷ ବୟସ୍କ ଡିଲେଶ୍ବର ମହାକୁଡ । କେନ୍ଦୁଝର ଜିଲ୍ଲା ତେଲକୋଇ ଥାନା ତେଲକୋଇ ଗାଁର ଗଉଡ ସାହିରେ ଅଭାବନୀୟ ଘଟଣା । ଗତକାଲି ବିଳମ୍ବିତ ରାତିରେ ଡିଲେଶ୍ବର ମହାକୁଡ ଖଟ ଉପରେ ମଶାରୀ ଟାଙ୍ଗି ଶୋଇଥିଲେ । ଲାଇନ୍ ନଥିବାରୁ ଖଟ ନିକଟରେ ଏକ ମହମବତୀ ମଧ୍ୟ ଜାଳିଥିଲେ । ହେଲେ କୌଣସି କାରଣରୁ ମହମବତୀରୁ ମଶାରୀରେ ନିଆଁ ଲାଗି ଯାଇଥିଲା । ଫଳରେ ଶୋଇଥିବା ଅବସ୍ଥାରେ ବୃଦ୍ଧ ଡିଲେଶ୍ବର ଖଟ ସହ ଜୀବନ୍ତ ଦଗ୍ଧ ହୋଇ ଯାଇଥିଲେ । ତାଙ୍କ ସ୍ତ୍ରୀ ଓ ଝିଅ ଘରେ ନଥିବା ବେଳେ ଏଭଳି ଘଟଣା ଘଟିଛି । ଘରୁ ଧୂଆଁ ବାହାରୁଥିବା ଦେଖି ପରିବାରର ଅନ୍ୟ ସଦସ୍ୟ ଘଟଣାସ୍ଥଳରେ ପହଞ୍ଚିଥିଲେ । ହେଲେ, ସେତେବେଳକୁ ଡିଲେଶ୍ବର ସମ୍ପୂର୍ଣ୍ଣ ଜଳି ଯାଇଥିଲେ ।
Comments are closed.