ଢେଙ୍କାନାଳ: ଗ୍ୟାସ୍ ପାଇପ୍ ଲାଇନ୍ ପାଇଁ ମାଟି ଖୋଳାଯାଇଥିଲା । ଖାଲରେ ଥିବା ପାଣିରେ ବୁଡ଼ି ଜଣେ ବୃଦ୍ଧଙ୍କର ମୃତ୍ୟୁ ହୋଇଛି । ଢେଙ୍କାନାଳ ଜିଲ୍ଲା ଭୁବନ ଥାନା କିଙ୍ଗୋଳ ଗାଁ ଦେଇ ଯାଇଥିବା ପାରାଦୀପ-ଅନୁଗୁଳ ଗ୍ୟାସ ପାଇପ ଲାଇନ ଖାଲରେ ଥିବା ପାଣିରେ ବୁଡି ବୃଦ୍ଧଙ୍କର ମୃତ୍ୟୁ ହୋଇଛି । ତାଙ୍କ ନାଁ ଅନନ୍ତ ରାଉତ ।
ଆଜି ସକାଳୁ ନିଜ ଚାଷ ଜମିକୁ ଯାଇଥିଲେ ଅନନ୍ତ ରାଉତ । ଫେରିବାରେ ବିଳମ୍ବ ହେବାରୁ ଖୋଜାଖୋଜି କରିଥିଲେ ପରିବାର ଲୋକ । ଶେଷରେ ଗାଁ ପାଖ ଦେଇ ଯାଇଥିବା ଗ୍ୟାସ ପାଇପ ଲାଇନ୍ ପାଇଁ ଖୋଳାଯାଇଥିବା ଖାଲରେ ତାଙ୍କର ମୃତଦେହ ଭାସୁଥିବା ଦେଖିବାକୁ ମିଳିଥିଲା ।
ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଥିଲା । ଅଭିଯୋଗ ହୋଇଛି, ଗେଲ୍ ଇଣ୍ଡିଆ କର୍ତ୍ତୃପକ୍ଷ ଖାଲ ଜାଗାଗୁଡ଼ିକୁ ଭର୍ତ୍ତି କରିବା ଦିଗରେ କୌଣସି ପଦକ୍ଷେପ ନେଉ ନାହାନ୍ତି । ଫଳରେ ବିଭିନ୍ନ ସମୟରେ ଘଟୁଛି ଅଘଟଣ ।
Comments are closed.