କେନ୍ଦୁଝର : କେନ୍ଦୁଝର ତେଲକୋଇରେ ଅଘଟଣ । ହାଲପୋଡିରେ ଗାଧୋଉଥିବା ବେଳେ ପୋଖରୀରେ ବୁଡି ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଛି । ସୂଚନା ଅନୁସାରେ, ହାଲପୋଡ଼ି ଝୁମୁକାପଶି ସାହିର ଯୁଧିଷ୍ଠିର ମହାକୁଡ଼ ଗାଁ ପୋଖରୀକୁ ଗାଧୋଇବାକୁ ଯାଇଥିଲେ । କିନ୍ତୁ ବୁଡି ଯିବାରୁ ତାଙ୍କର ମୃତ୍ୟୁ ହୋଇଛି । ଗାଧୋଇବାକୁ ଯାଇ ନଫେରିବାରୁ ପତ୍ନୀ ପୋଖରୀ ପାଖକୁ ଯାଇ ଖୋଜାଖୋଜି କରିଥିଲେ । ହେଲେ ପୋଖରୀ କୂଳରେ ସ୍ବାମୀଙ୍କ ଚପଲ ଦେଖିଥିଲେ ପତ୍ନୀ । ଯୁଧିଷ୍ଠୀର ପାଣିରେ ବୁଡି ଯାଇଥିବା ସନ୍ଦେହ କରିଥିଲେ । ଏନେଇ ସଙ୍ଗେ ସଙ୍ଗେ ସ୍ଥାନୀୟ ଅଗ୍ନିଶମ ବିଭାଗକୁ ଖବର ଦିଆଯାଇଥିଲା । ବହୁ ଖୋଜା ଖୋଜି ପରେ ପୋଖରୀରୁ ଉଦ୍ଧାର ହୋଇଥିଲା ଯୁଧିଷ୍ଠୀରଙ୍କ ମୃତଦେହ । ପୋଲିସ ମୃତଦେହ ଜବତ କରିବା ସହ ଏକ ଅପମୃତ୍ୟୁ ମାମଲା ରୁଜ୍ଜୁ କରିଛି ।
Comments are closed.