ନୂଆଦିଲ୍ଲୀ: ନୋଏଡାର ୪୦ ମହଲା ବିଶିଷ୍ଟ ସୁପରଟେକ ଟ୍ୱିନ ଟାୱାର ୨୮ ଅଗଷ୍ଟରେ ଭଙ୍ଗାଯିବା ପାଇଁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି । ସମସ୍ତ ପାରିପାଶ୍ୱର୍ୀକ ସ୍ଥିତି ଅନୁଧ୍ୟାନ କରିବା ନିମନ୍ତେ ସୁପ୍ରିମକୋର୍ଟ ଆଉ ଅଧିକ ୭ ଦିନ ସମୟ ଦେଇଛନ୍ତି । ନୋଏଡାର ସେକ୍ଟର-୯୩ରେ ଏହି ଟ୍ୱିନ ଟାୱାର ରହିଛି । ଆଉ ଅଳ୍ପ ଦିନ ସମୟ ଥିଲେ ମଧ୍ୟ ଭାଙ୍ଗିବା ପାଇଁ ଏଜେନ୍ସି କୌଣସି ପ୍ରକାରର କାର୍ଯ୍ୟ ଆରମ୍ଭ କରି ନ ଥିବାରୁ ସୁପ୍ରିମକୋର୍ଟ ବିରକ୍ତି ପ୍ରକାଶ କରିଛନ୍ତି । ଅପରପକ୍ଷରେ ଟାୱାର ସ୍ଥିତି ଦିନକୁ ଦିନ ଖରାପ ହେଉଥିବାରୁ ଏହା ଭୁଷୁଡି ପଡିବା ଆଶଙ୍କା ସୃଷ୍ଟି ହୋଇଛି । ବେନିୟମ ଭାବେ ନିର୍ମିତ ହେବା ଏହି ଟାୱାର ନ ଭାଙ୍ଗି ବିକଳ୍ପ ରାସ୍ତା ବାହାର କରିବା ପାଇଁ ଏକ ଘରୋଇ ଏନଜିଓ ସଂସ୍ଥା କୋର୍ଟରେ ଆବେଦନ କରିଥିଲେ । ତେବେ ବିଚାରପତି ଡିୱାଇ ଚନ୍ଦ୍ରଚୂଡ, ସୁଧାଂଶୁ ଧୂଲିଆଙ୍କୁ ନେଇ ଗଠିତ ଖଣ୍ଡପୀଠ ଏହି ଏନଜିଓ ସଂସ୍ଥା ଉପରେ ବିରକ୍ତି ପ୍ରକାଶ କରିଛନ୍ତି । ୫ ଲକ୍ଷ ଟଙ୍କା ଜରିମାନା ଲଗାଇବା ସହ ଏହି ଅର୍ଥ କୋଭିଡ ପ୍ରଭାବିତ ଓକିଲଙ୍କ ପରିବାରବର୍ଗଙ୍କୁ ଦେବା ପାଇଁ ନିର୍ଦ୍ଦେଶ ଦେଇଛନ୍ତି ।
Comments are closed.