ରାୟଗଡା: ରାୟଗଡା ଜିଲ୍ଲାର ମୁନିଗୁଡାରେ ରାସ୍ତା କାମକୁ ବିରୋଧ କରି ମାଓବାଦୀମାନେ ଲଙ୍କାକାଣ୍ଡ ଭିଆଇବା ସହ ପାଖାପାଖି ୩ଟି ଗାଡିରେ ନିଆଁ ଲଗାଇ ଦେଇଛନ୍ତି ।
ପ୍ରାପ୍ତ ସୂଚନାନୁଯାୟୀ ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ ଯୋଜନାରେ ଶରଧାପୁର-ଥୁଆପାଡିକୁ ସଂଯୋଗ କରୁଥିବା ରାସ୍ତାକାମକୁ ବିରୋଧ କରି ଗତକାଲି ରାତିରେ ପାଖାପାଖି ୧୦ରୁ ୧୫ ଜଣବ୍ୟକ୍ତି ଟିକରପଡା ଗ୍ରାମରେ ପ୍ରବେଶ କରିଥିଲେ । ପରେ ନିକଟରେ ଥିବା ଏକ ଜେସିବି ମେସିନ ସହ ୩ରୁ ଅଧିକ ଗାଡି ଜାଳି ଦେଇଥିଲେ ।
ଏହାବ୍ୟତିତ ରାସ୍ତାକାମ ବନ୍ଦ କରିବା ଲାଗି ଏକ ଚେତାବନୀ ସହ ଘଟଣାସ୍ଥଳରେ ମାଓବାଦୀମାନେ ୩ଟି ପୋଷ୍ଟର ମଧ୍ୟ ଲଗାଇଛନ୍ତି ।
ତେବେ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚିବା ସହ ଏନେଇ ତଦନ୍ତ ଆରମ୍ଭ କରିଛି ।