ଜମ୍ମୁ କାଶ୍ମୀରର ଏକାଧିକ ସ୍ଥାନରେ ପାକିସ୍ତାନର ରକେଟ୍ ଦ୍ୱାରା ଆକ୍ରମଣ

ଶ୍ରୀନଗର: ଜମ୍ମୁ ଏୟାରପୋର୍ଟରେ ହମଲା । ରକେଟ୍ ଦ୍ୱାରା ଆକ୍ରମଣ କରିଛି ପାକିସ୍ତାନ। ଏହାପରେ ଜମ୍ମୁ ଏୟାରପୋର୍ଟରେ ସାଇରନ୍ ବାଜିବା ସହ ଜମ୍ମୁକୁ ବ୍ଲାକ ଆଉଟ୍ କରାଯାଇଛି। S-400 ଏୟାର ଡିଫେନ୍ସ ସିଷ୍ଟମ ପାକିସ୍ତାନର ଏକାଧିକ ରକେଟକୁ ଅକାମୀ କରିଛି।

ଅନ୍ୟପଟେ ୪ଟି ଏୟାର ଡିଫେନ୍ସ ବ୍ୟବସ୍ଥା ସକ୍ରିୟ କଲା ଭାରତ। ଜାମୁ କାଶ୍ମୀର ଠାରୁ ପଞ୍ଜାବ, ରାଜସ୍ଥାନ ଯାଏଁ ସକ୍ରିୟ। S-400, L-70, JSU-23 ଓ ସିଲ୍‌କା ସକ୍ରିୟ। ଜମ୍ମୁ କାଶ୍ମୀରର ଏକାଧିକ ସ୍ଥାନରେ ପାକିସ୍ତାନର ଆକ୍ରମଣ କରିଛି। ଏହାପରେ ସାଇରନ୍ ବଜାଇ ସତର୍କ କଲା ସେନା।

ପାକିସ୍ତାନ ଜମ୍ମୁ, ପଠାନକୋଟ ଏବଂ ଜୈସଲମେରର ଅନେକ ସ୍ଥାନରେ ଆକ୍ରମଣ କରିଛି। ସୂଚନା ଅନୁଯାୟୀ ପାକିସ୍ତାନ ଜମ୍ମୁ ବିମାନବନ୍ଦର ଏବଂ ରେଳ ଷ୍ଟେସନ ସମେତ ଅନେକ ଗୁରୁତ୍ୱପୂର୍ଣ୍ଣ ସ୍ଥାନକୁ ଟାର୍ଗେଟ କରିବାକୁ ଚେଷ୍ଟା କରିଛି। ତଥାପି, ଭାରତୀୟ ସେନା ଏହାର ଆକ୍ରମଣକୁ ପଣ୍ଡ କରିଦେଇଛି।

କୁହାଯାଉଛି ଯେ ଜମ୍ମୁରେ ୫-୬ଟି ବିସ୍ଫୋରଣର ଶବ୍ଦ ଶୁଣାଯାଇଥିଲା। ଡ୍ରୋନ୍ ଏବଂ କ୍ଷେପଣାସ୍ତ୍ର ଆକ୍ରମଣର ଭୟ ରହିଛି। ଆକାଶରେ ଏକ ଡ୍ରୋନ୍ ଦେଖାଯିବା ପରେ ସମଗ୍ର ଜମ୍ମୁରେ ସତର୍କ ସୂଚନା ଜାରି କରାଯାଇଛି। ଅନେକ ସ୍ଥାନରେ ଡ୍ରୋନ୍ ଆକ୍ରମଣ ହୋଇଛି। ଜମ୍ମୁ ପରେ କାଶ୍ମୀରର କୁପୱାଡ଼ାରେ ମଧ୍ୟ ଗୁଳିଚାଳନା ହୋଇଥିବା ଖବର ଆସିଛି। ଭାରତର ବାୟୁ ପ୍ରତିରକ୍ଷା ପ୍ରଣାଳୀ ପାକିସ୍ତାନୀ ଡ୍ରୋନକୁ ଖସାଇ ଦେଇଛି। ଭାରତ ପାକିସ୍ତାନୀ ଆକ୍ରମଣକୁ ପଣ୍ଡ କରିଥିଲା। ଆରଏସପୋରାରେ ପାକିସ୍ତାନୀ ଡ୍ରୋନଗୁଡ଼ିକୁ ଗୁଳି କରି ଖସାଇ ଦିଆଯାଇଛି। ଭାରତର S-400 ପାକିସ୍ତାନର ୮ଟି କ୍ଷେପଣାସ୍ତ୍ରକୁ ଖସାଇ ଦେଇଛି।