ନୂଆଦିଲ୍ଲୀ: ଭାରତର ଅପରେସନ ସିନ୍ଦୂର ପରେ ପାକିସ୍ତାନ ଲଗାତାର ଭାରତ ଉପରେ ମିସାଇଲ ଏବଂ କ୍ଷେପଣାସ୍ତ୍ର ପ୍ରୟୋଗ କରିଚାଲିଛି। ଆଉ ଏଥିରେ ଭାରତର ବଳୁଆ ଯୁଦ୍ଧାସ୍ତ୍ରକୁ ଧ୍ଵଂସ କରିବାର ମିଥ୍ୟା ଦାବି ବି କରି ଆସୁଛି। ଏହାରି ଭିତରେ ଏବେ ଭାରତ ବିରୋଧୀ ଆକ୍ରମଣକୁ ଏକ ନାମରେ ନାମିତ କରିଛି ପାକିସ୍ତାନ। ପାକିସ୍ତାନ ଗଣମାଧ୍ୟମ ଶନିବାର ଭୋର ସମୟରେ ପାକିସ୍ତାନ ପକ୍ଷରୁ ଭାରତରେ କରାଯାଇଥିବା ଡ୍ରୋନ୍ ଏବଂ କ୍ଷେପଣାସ୍ତ୍ର ନିକ୍ଷେପକୁ ଅପରେସନ୍ ବୁନୟାନ୍ ଅଲ୍-ମାର୍ସୁସ୍ ନାମରେ ନାମିତ କରିଛି। ଏନେଇ ପାକିସ୍ତାନ ରିପୋର୍ଟ କରିଛି ଯେ ସେ ଭାରତ ବିରୋଧରେ ବୁନୟାନ୍ ଅଲ୍-ମାର୍ସୁସ୍ ଆରମ୍ଭ କରିଛି। ତେବେ ଆଜି ଭୋର୍ ସମୟେ ପାକିସ୍ତାନ ପକ୍ଷରୁ କରାଯାଇଥିବା ଆକ୍ରମଣରେ ଫତାହ-୧ କ୍ଷେପଣାସ୍ତ୍ର ମଧ୍ୟ ସାମିଲ ଥିଲା। ଭାରତର ଅପରେସନ୍ ସିନ୍ଦୂର ପରେ ପାକିସ୍ତାନ ଗୋଟିଏ ଦିନ ପୂର୍ବରୁ ଡ୍ରୋନ୍ ଏବଂ କ୍ଷେପଣାସ୍ତ୍ର ସହିତ ଭାରତର ୨୬ଟି ସ୍ଥାନକୁ ଟାର୍ଗେଟ କରି ପରିସ୍ଥିତିକୁ ଆହୁରି ତୀବ୍ର କରିଦେଇଥିଲା।
ଅପରେସନ୍ ବୁନୟାନ୍ ଅଲ୍-ମାର୍ସୁସ୍
ବୁନୟାନ୍ ଅଲ୍-ମାର୍ସୁସ୍ ହେଉଛି ମୁସଲମାନମାନଙ୍କ ପବିତ୍ର ଗ୍ରନ୍ଥ କୁରାନ୍ର ଏକ ପଦ। ଯାହାର ଅର୍ଥ ‘ଷ୍ଟ୍ରଙ୍ଗ ୱାଲ୍ ଅଫ ଦି ଲିଡ୍’ ଅର୍ଥାତ୍ ସୀସାର ଏକ ଦୃଢ଼ କାନ୍ଥ। ଯାହାକୁ ବୁନୟାନ୍ ଉଲ୍ ମାର୍ସୁସ୍, ବୁନୟାନ୍-ଅନ୍-ମାର୍ସୁସ୍ ଏବଂ ବୁନୟାନୁନ୍ ମାର୍ସୁସ୍ ବୋଲି ମଧ୍ୟ କୁହାଯାଏ। ଅଲ୍ ଜାଜିରା ଅନୁଯାୟୀ, “ବୁନୟାନ୍ ମାର୍ସୁସ୍ ଏକ ଆରବି ବାକ୍ୟାଂଶ ଯାହା ସିଧାସଳଖ ‘ସୀସାରେ ତିଆରି ଏକ ଗଠନ’। ଯେଉଁଥିରେ ଏହି ନାମ ସହିତ, ପାକିସ୍ତାନ ସମ୍ଭବତଃ ନିଜକୁ ଏକ ଅଭେଦ୍ୟ ପ୍ରାଚୀର କିମ୍ବା ଏକ ଉଦ୍ଦେଶ୍ୟ ପାଇଁ ଲଢ଼ୁଥିବା ଗଠନ ଭାବରେ ଚିତ୍ରଣ କରିବାକୁ ଚାହୁଁଛି। ଏଥିସହିତ କୁରାନ ଶ୍ଳୋକର ବ୍ୟବହାର ମଧ୍ୟ ଆକ୍ରମଣକୁ ଧାର୍ମିକ ସ୍ୱର ଦେବାର ଏକ ଅଂଶ ଭାବରେ ବିବେଚନା କରାଯାଇପାରେ।
ଅପରେସନ ସିନ୍ଦୂର ପରଠାରୁ ପାକିସ୍ତାନ ଡ୍ରୋନ୍ ଏବଂ କ୍ଷେପଣାସ୍ତ୍ର ସହିତ ଭାରତରେ ଗୁରୁଦ୍ୱାର, କନ୍ୟାଶ୍ରମ ଏବଂ ମନ୍ଦିରଗୁଡ଼ିକୁ ଟାର୍ଗେଟ କରିଆସୁଛି। ଭାରତ କେବଳ ଆତଙ୍କୀ ଶିବିରଗୁଡ଼ିକୁ ଟାର୍ଗେଟ କରିଥିବା ବେଳେ, ପାକିସ୍ତାନ ନାଗରିକ ଏବଂ ସାମରିକ ଅଞ୍ଚଳଗୁଡ଼ିକୁ ଆକ୍ରମଣ କରିବାକୁ ଚେଷ୍ଟା କରିଛି। ତେବେ ଏହା ଆନ୍ତର୍ଜାତୀୟ ସମ୍ପ୍ରଦାୟ ପାଇଁ କୌଣସି ଗୁପ୍ତ କଥା ନୁହେଁ ଯେ ପାକିସ୍ତାନ ଇସଲାମିକ୍ ଆତଙ୍କବାଦର ଏକ ପ୍ରଜନନ ମାଟି। ଭାରତକୁ ରକ୍ତାକ୍ତ କରିବା ପାଇଁ ନିଜ ଛାତିରେ ଆତଙ୍କବାଦୀମାନଙ୍କୁ ବ୍ୟବହାର କରିବାକୁ ଚେଷ୍ଟା କରିଛି। ଭାରତୀୟ ନାଗରିକ ସ୍ଥାନଗୁଡ଼ିକୁ ଟାର୍ଗେଟ କରିବା ଏବଂ ଆତଙ୍କବାଦୀମାନଙ୍କୁ ସୁରକ୍ଷା ଦେବା ପାଇଁ ଏବେ ସେ ନିଜର ମିିଶନକୁ କୁରାନର ଏକ ପଦ – ବୁନୟାନ ଅଲ ମାର୍ସୁସ୍ – ନାଁ ଦେଇଛି। ଯାହା କେବଳ ତାର ସୈତାନି ଦୀମାଗକୁ କେବେବି ସୁରକ୍ଷା ଦେଇ ପାରିବ ନାହିଁ। ଏଭଳି କରି ସେ କେବଳ ଉତ୍ତେଜନାରେ ବୈଚାରିକ ସ୍ତର ଯୋଡିଛି।
ତେବେ ପହଲଗାମ୍ ଆତଙ୍କବାଦୀ ଆକ୍ରମଣ ସମେତ ସପ୍ତାହ ଧରି ସୀମାପାର ଶତ୍ରୁତାର ପ୍ରତିଶୋଧ ସ୍ୱରୂପ ଶନିବାର ପ୍ରତ୍ୟୁଷରେ ଭାରତ ତିନୋଟି ପ୍ରମୁଖ ପାକିସ୍ତାନୀ ବାୟୁସେନା – ନୁର ଖାନ (ରାୱଲପିଣ୍ଡି), ମୁରିଦ (ଚକୱାଲ୍) ଏବଂ ରଫିକି (ଝାଙ୍ଗ) ଉପରେ ସଠିକ୍ ଆକ୍ରମଣ ପରେ ଏହି ଘୋଷଣା କରାଯାଇଛି। ଭାରତର ଆକ୍ରମଣ ପାକିସ୍ତାନର ଗୁରୁତ୍ୱପୂର୍ଣ୍ଣ ସାମରିକ କେନ୍ଦ୍ରଗୁଡ଼ିକୁ ଟାର୍ଗେଟ କରିଥିଲା। ଇସଲାମାବାଦରୁ ମାତ୍ର ୧୦ କିଲୋମିଟର ଦୂରରେ ଏବଂ ପାକିସ୍ତାନର ସାମରିକ GHQ ନିକଟରେ ଥିବା ନୁର ଖାନକୁ ଟାର୍ଗେଟ କରି ଏକ ସାହସିକ ସଙ୍କେତ ଦେଇଥିଲା ଯେ ଆକ୍ରମଣ ପାଇଁ ବ୍ୟବହାର କରାଗଲେ କୌଣସି ଜାଗା ସୀମା ବାହାରେ ନୁହେଁ। ପାକିସ୍ତାନର ବାୟୁ ଏବଂ ଡ୍ରୋନ୍ କ୍ଷମତାକୁ ହ୍ରାସ କରିବା ପାଇଁ ମୁରିଦ ଡ୍ରୋନ୍ ଯୁଦ୍ଧ କେନ୍ଦ୍ର ଏବଂ JF-17 ଏବଂ ମିରାଜ ସ୍କ୍ୱାର୍ଡନ୍ ର ଘର ରଫିକି ଉପରେ ମଧ୍ୟ ଆକ୍ରମଣ କରାଯାଇଥିଲା।
ଜବାବରେ, ପାକିସ୍ତାନ ସାତଟି ଭାରତୀୟ ସ୍ଥାନରେ ଆକ୍ରମଣ କରିଥିବା ଏବଂ ଏହାର ଅଲ-ଫତେହ ବାଲିଷ୍ଟିକ୍ କ୍ଷେପଣାସ୍ତ୍ର ଉତକ୍ଷେପଣ କରିଥିବା ଦାବି କରି ଏହାକୁ ଭାରତୀୟ କାର୍ଯ୍ୟାନୁଷ୍ଠାନରେ ମୃତ୍ୟୁବରଣ କରିଥିବା ପିଲାମାନଙ୍କ ପାଇଁ ଉତ୍ସର୍ଗ କରିଥିଲା। ଯାହାକୁ ଭାରତୀୟ ଅଧିକାରୀମାନେ ପ୍ରଚାର ବୋଲି କହି ଖାରଜ କରିଛନ୍ତି। ଏହା କେବଳ ପାକିସ୍ତାନର ଆତଙ୍କବାଦୀ ଗୋଷ୍ଠୀଗୁଡ଼ିକୁ ସମର୍ଥନ କରିବା ଯାଇଁ ଏକ ପନ୍ଥା ବୋଲି କହିଛି।
Comments are closed.