ହୋସିଆରପୁର: ୭୭ତମ ଗଣତନ୍ତ୍ର ଦିବସ ପୂର୍ବରୁ ପଞ୍ଜାବର ହୋସିଆରପୁରରେ ପୋଲିସ ଏକ ବଡ଼ ଷଡ଼ଯନ୍ତ୍ରକୁ ପଣ୍ଡ କରିଛି। ପାକିସ୍ତାନୀ ଆଇଏସ୍ଆଇ-ସମର୍ଥିତ ସଂଗଠନ ନିଷିଦ୍ଧ ବବର ଖାଲସା ଇଣ୍ଟରନ୍ୟାସନାଲ (ବିକେଆଇ) ସହ ଜଡିତ ଏକ ଆତଙ୍କବାଦୀ ମଡ୍ୟୁଲକୁ ପୋଲିସ ଧ୍ବଂସ କରିଦେଇଛି। ଏହି ଅପରେସନରେ ଚାରି ଜଣ ବିପଦପୂର୍ଣ୍ଣ ଆତଙ୍କବାଦୀଙ୍କୁ ଗିରଫ କରାଯାଇଛି ଏବଂ ସେମାନଙ୍କଠାରୁ ପ୍ରାୟ ୨.୫ କିଲୋ ବିସ୍ଫୋରକ ଜବତ କରାଯାଇଛି।
ପଞ୍ଜାବ ପୋଲିସ ମହାନିର୍ଦ୍ଦେଶକ ଗୌରବ ଯାଦବ କହିଛନ୍ତି ଯେ ଗିରଫ ଆତଙ୍କବାଦୀମାନେ ଦିଲଜୋତ ସିଂହ, ହରମନ ସିଂହ ଓରଫ ହ୍ୟାରି ଓରଫ ହରି, ଅଜୟ ଓରଫ ମାହିରା ଏବଂ ଅର୍ଶଦୀପ ସିଂହ ଓରଫ ଅର୍ଶ କାଣ୍ଡୋଲା ଭାବରେ ଚିହ୍ନଟ ହୋଇଛନ୍ତି। ସେମାନେ ସମସ୍ତେ SBS ନଗର ଜିଲ୍ଲାର ରାହୋନ ଅଞ୍ଚଳର ବାସିନ୍ଦା। ପୋଲିସ ସେମାନଙ୍କ ନିକଟରୁ ଦୁଇଟି ପିସ୍ତଲ ମଧ୍ୟ ଜବତ କରିଛି।
ଡିଜିପି ଗୌରବ ଯାଦବ କହିଛନ୍ତି ଯେ ଏହି ଆତଙ୍କବାଦୀ ମଡ୍ୟୁଲ୍ ଆମେରିକା ସ୍ଥିତ ବବର ଖାଲସା ଇଣ୍ଟରନ୍ୟାସନାଲ୍ ହ୍ୟାଣ୍ଡଲର୍ ଦ୍ୱାରା ପରିଚାଳିତ ହେଉଥିଲା। ପ୍ରାଥମିକ ତଦନ୍ତରୁ ଜଣାପଡିଛି ଯେ ଉଦ୍ଧାର ହୋଇଥିବା ଆଇଇଡିଗୁଡ଼ିକୁ ଆଗାମୀ ଗଣତନ୍ତ୍ର ଦିବସ ପାଳନ ସହିତ ଏକ ଯୋଜନାବଦ୍ଧ ଆତଙ୍କବାଦୀ ଆକ୍ରମଣ ପାଇଁ ବ୍ୟବହାର କରାଯିବାର ଉଦ୍ଦେଶ୍ୟ ଥିଲା।