କରୋନା ପାଇଁ ପୁରୁଷୋତ୍ତମ ଏକ୍ସପ୍ରେସରେ ବନ୍ଦ ହେଲା ପ୍ୟାଣ୍ଟ୍ରି କାର୍ ସେବା

ଭୁବନେଶ୍ବର : ପୁରୀ-ନୂଆଦିଲ୍ଲୀ ପୁରୁଷୋତ୍ତମ ଏକ୍ସପ୍ରେସରେ ବନ୍ଦ ହେଲା ପ୍ୟାଣ୍ଟ୍ରି କାର୍ ସେବା । ଆଜିଠାରୁ ପୁରୀରୁ ଛାଡ଼ିବାକୁ ଥିବା ୦୨୮୦୧/୦୨୮୦୨ ପୁରୁଷୋତ୍ତମ ଏକ୍ସପ୍ରେସରେ ବନ୍ଦ ହୋଇଛି ପ୍ୟାଣ୍ଟ୍ରି କାର୍ ସେବା । ସେହିପରି ଦିଲ୍ଲୀରୁ ଛାଡ଼ିବାକୁ ଥିବା ପୁରୁଷୋତ୍ତମ ଏକ୍ସପ୍ରେସରେ ୩୦ ତାରିଖରୁ ପ୍ୟାଣ୍ଟ୍ରି କାର୍ ସେବା ବନ୍ଦ କରିବାକୁ ବନ୍ଦ କରିବାକୁ ନିଷ୍ପତ୍ତି ହୋଇଛି । ତେଣୁ ଏହି ଏକ୍ସପ୍ରେସରେ ଯାତ୍ରା କରିବାକୁ ଥିବା ଯାତ୍ରୀମାନେ ନିଜ ନିଜ ଖାଦ୍ୟ ବ୍ୟବସ୍ଥା କରି ଯାତ୍ରା କରିବାକୁ ପରାମର୍ଶ ଦିଆଯାଇଛି । ଏନେଇ ସୂଚନା ଦେଇଛି ଇଷ୍ଟକୋଷ୍ଟ ରେଲୱେ । ଦିନକୁ ଦିନ କରୋନାର ପ୍ରକୋପ ବଢ଼ି ଚାଲିଥିବାରୁ ଏଭଳି ପଦକ୍ଷେପ ନିଆଯାଇଛି । ଯାତ୍ରୀମାନେ ଟ୍ରେନ୍ ଯାତ୍ରା ସମୟରେ ନିଜ ଖାଦ୍ୟପେୟର ବ୍ୟବସ୍ଥା କରିବାକୁ କୁହାଯାଇଛି ।