Latest Odisha News

ପାଟଣାଗଡରୁ ବଲାଙ୍ଗୀର ଜେଲକୁ ସ୍ଥାନାନ୍ତରିତ ହେଲେ ପୁଞ୍ଜିଲାଲ

ବଲାଙ୍ଗୀର : ବହୁ ଚର୍ଚ୍ଚିତ ପାଟଣାଗଡ ପାର୍ସଲ ବୋମା ବିସ୍ଫୋରଣ ଘଟଣାରେ ମୁଖ୍ୟ ଅଭିଯୁକ୍ତ ପୁଞ୍ଜିଲାଲ ମେହେରଙ୍କୁ ଶୁକ୍ରବାର ଦିନ କଡା ସୁରକ୍ଷା ବ୍ୟବସ୍ଥା ମଧ୍ୟରେ ବଲାଙ୍ଗୀର ଜେଲକୁ ସ୍ଥାନାନ୍ତରିତ କରାଯାଇଛି ।

ଗଣମାଧ୍ୟମକୁ ସୂଚନା ଦେଇ ବଲାଙ୍ଗୀର ଜେଲ୍ ଜେଲର ସଞ୍ଜୟ ବର୍ମା କହିଛନ୍ତି, ପୁଞ୍ଜିଲାଲକୁ ଏକ ସେଲରେ କିମ୍ବା ଏକ ଭିନ୍ନ ୱାର୍ଡରେ ରଖାଯିବ । ଏଥିସହିତ ଜେଲର ଅନ୍ୟ କଏଦୀଙ୍କ ଠାରୁ ତାଙ୍କୁ ଅଲଗା ରଖାଯିବା ପାଇଁ ପ୍ରଚେଷ୍ଟା କରାଯିବ ।

“ମୋତେ ପାଟଣାଗଡ ଉପ-ଜେଲରେ ନିର୍ଯ୍ୟାତନା ଦିଆଯାଉଥିବା ନେଇ ମୁଁ ପୂର୍ବରୁ ଗଣମାଧ୍ୟମରେ ଅଭିଯୋଗ କରିଥିଲି । ଆହୁରି ମଧ୍ୟ ମୁଁ ରାଷ୍ଟ୍ରୀୟ ମାନବାଧିକାର ଆୟୋଗ (ଏନଏଚଆରସି)କୁ ଏହି ମାମଲାର ତଦନ୍ତ କରିବା ପାଇଁ ଅପିଲ କରିବି” ବୋଲି ଜିଲ୍ଲା ଜେଲକୁ ଯିବା ପୂର୍ବରୁ ପୁଞ୍ଜିଲାଲ ଗଣମାଧ୍ୟମକୁ ସୂଚନା ଦେଇ କହିଛନ୍ତି ।

ଗତ ଜାନୁଆରୀ ୨୪ ତାରିଖ ଦିନ କେତେକ କଏଦୀଙ୍କ ସହ ପୁଞ୍ଜିଲାଲ ଜେଲରୁ ଚମ୍ପଟ ମାରିବାକୁ ଉଦ୍ୟମ କରିଥିବା ନେଇ ଜଣାପଡିଥିଲା । ଫଳରେ ତାଙ୍କୁ ସ୍ଥାନାନ୍ତରିତ କରିବା ପାଇଁ ନିର୍ଣ୍ଣୟ ନିଆଯାଇଥିଲା ।

Leave A Reply

Your email address will not be published.