ନୂଆଦିଲ୍ଲୀ: କରୋନା ପୁଣି ଥରେ କାୟା ବିସ୍ତାର କରୁଛି। ଏଭଳି ପରିସ୍ଥିତିରେ ବଲିଉଡ ଚଳଚ୍ଚିତ୍ର ଶିଳ୍ପ ଉପରେ କୋଭିଡ-୧୯ ର ପ୍ରଭାବ ମଧ୍ୟ ବଢିବାରେ ଲାଗିଛି। ସମ୍ପ୍ରତି ବଲିଉଡ୍ ଅଭିନେତା ରଣବୀର କପୁର, କାର୍ତ୍ତିକ ଆର୍ଯ୍ୟନ୍, ମନୋଜ ବାଜପେୟୀ, ଆର ମାଧବନ୍ ଏବଂ ଆମୀର ଖାନଙ୍କର କରୋନା ଭାଇରସ୍ ସକାରାତ୍ମକ ହୋଇଥିବା ଖବର ସମସ୍ତଙ୍କୁ ଚକିତ କରିଛି।
ଏଥି ସହିତ ବଲିଉଡର ଭେଟେରାନ ଅଭିନେତା ପରେଶ ରାୱଲ ମଧ୍ୟ କରୋନାରେ ସଂକ୍ରମିତ ହୋଇଛନ୍ତି। ସେ ନିଜେ ସୋସିଆଲ ମିଡିଆରେ ପ୍ରଶଂସକଙ୍କୁ ଏହି ସୂଚନା ଦେଇଛନ୍ତି।
ଉଲ୍ଲେଖ ଥାଉ କି, ମାର୍ଚ୍ଚ ୯ରେ ୬୫ ବର୍ଷୀୟ ଅଭିନେତା ପରେଶ ରାୱଲ କୋଭିଡ-୧୯ ଟିକା ର ପ୍ରଥମ ଡୋଜ ନେଇଥିଲେ। ଟିକା ନେବା ପରେ ମଧ୍ୟ ସେ ନିଜ ଟ୍ୱିଟର ଆକାଉଣ୍ଟରେ ଏକ ଫଟୋ ସେୟାର କରି ସୂଚନା ଦେଇଥିଲେ। ଏଥି ସହିତ ଅଭିନେତା କୋଭିଡ ସକାରାତ୍ମକ ଖବର କେବଳ ତାଙ୍କ ପରିବାର ନୁହେଁ ତାଙ୍କ ବନ୍ଧୁ ଏବଂ ପ୍ରଶଂସକଙ୍କୁ ମଧ୍ୟ ଆଶ୍ଚର୍ଯ୍ୟ କରିଛି।
Comments are closed.