ମୁମ୍ବାଇ: ନିକଟରେ ବିବାହ କରିଥିବା ବଲିଉଡ ଅଭିନେତ୍ରୀ ପରିଣୀତି ଚୋପ୍ରା ଏବେ ଖୁବ ଚର୍ଚ୍ଚାରେ । ବିବାହ ପରେ ଗୋଟିଏ ପରେ ଗୋଟିଏ ଫଟୋ ସୋସିଆଲ ମିଡ଼ିଆରେ ସେୟାର କରି ସମସ୍ତଙ୍କ ଦୃଷ୍ଟି ଆକର୍ଷଣ କରୁଛନ୍ତି । ତାଙ୍କର ସମସ୍ତ ଫଟୋକୁ ପ୍ରଶଂସକମାନେ ବେଶ୍ ପସନ୍ଦ କରୁଛନ୍ତି । ନିକଟରେ ପରିଣୀତି ସ୍ୱାମୀ ଆପ ସାଂସଦ ରାଘବ ଚଢାଙ୍କୁ ଛାଡ଼ି ଏବେ ମାଳଦ୍ୱୀପରେ ଛୁଟି କାଟିବାକୁ ପହଞ୍ଚିଛନ୍ତି । ଏହି ସମୟରେ ଏକ ଫଟୋ ପରିଣୀତି ଇନଷ୍ଟାଗ୍ରାମ ଷ୍ଟୋରୀରେ ପୋଷ୍ଟ କରିଛନ୍ତି ।
ଏହି ଫଟୋରେ ପରିଣୀତି ଏକ କଳା ରଙ୍ଗର ସୁଇମିଙ୍ଗ ସୁଟ୍ରେ ନଜର ଆସିଛନ୍ତି । ଏହା ସହିତ ପରିଣୀତି ତାଙ୍କର ଚୁଡ଼ିକୁ ମଧ୍ୟ ଦେଖାଇଛନ୍ତି । କ୍ୟାପସନରେ ଲେଖିଛନ୍ତି, ‘ହନୀମୂନରେ ନୁହେଁ, ଫଟୋ ନଣଦ ଉଠାଇଛନ୍ତି ।’ ଏଥିରୁ ଏହା ସ୍ପଷ୍ଟ ହୋଇଯାଉଛି ଯେ, ପରିଣୀତି ରାଘବ ଚଢାଙ୍କ ସହ ନୁହେଁ ନଣନ୍ଦଙ୍କ ସହିତ ଛୁଟି କଟାଉଛନ୍ତି । ରାଘବଙ୍କ ଭଉଣୀ ଜଣେ ଚାର୍ଟାର୍ଡ ଆକାଉଣ୍ଟାଣ୍ଟ ।
Comments are closed.