ଚଣ୍ଡିଗଡ: ଲକଡାଉନ୍ ବେଳେ ପଂଜାବ ପଟିଆଲା ସ୍ଥିତ ସନୋର ରୋଡରେ ପୋଲିସ ଓ ଜନତା ମୁହାଁମୁହିଁ ହୋଇଛନ୍ତି । ପରିବା କିଣିବାକୁ ବଜାରକୁ ଯାଇଥିବା କିଛି ଦୁର୍ବୃତ୍ତ ପୋଲିସ ଉପରକୁ ଖଣ୍ଡାରେ ଆକ୍ରମଣ କରିଛନ୍ତି । ଫଳରେ ଜଣେ ପୋଲିସ କର୍ମୀଙ୍କ ହାତ କଟିଯାଇଛି । ଏଥିସହ ଅନ୍ୟ ୨ ଜଣ ଅଧିକାରୀ ଗୁରୁତର ହୋଇଛନ୍ତି । 
ସୂଚନାନୁସାରେ, ୪ରୁ ୫ ଜଣ ବ୍ୟକ୍ତି ଆଜି ସକାଳୁ ଅସ୍ତ୍ରଶସ୍ତ୍ର ଧରି ଗାଡିରେ ବୁଲୁଥିଲେ । ଏହି ସମୟରେ ପରିବା ବଜାରରେ ଥିବା କିଛି ପୋଲିସ କର୍ମୀ ସେମାନଙ୍କୁ ଅଟକାଇଥିଲେ । ଏଥିସହ କର୍ଫୁ ପାସ୍ ଦେଖିବାକୁ କହିଥିଲେ । କିନ୍ତୁ ସେମାନେ ଗାଡିରୁ ଓହ୍ଲାଇ ପୋଲିସ କର୍ମୀଙ୍କୁ ଆକ୍ରମଣ କରିଥିଲେ । ସେଠାରେ ଉପସ୍ଥିତ ଥିବା ଜଣେ ଏଏସ୍ଆଇଙ୍କ ହାତ ହାଣି ଦେଇଥିଲେ ।
ଗୁରୁତର ଏଏସ୍ଆଇ ଓ ଅନ୍ୟ ଦୁଇ ପୋଲିସ କର୍ମଚାରୀଙ୍କୁ ହସ୍ପିଟାଲରେ ଭର୍ତ୍ତି କରଯାଇଛି । ସେପଟେ ଆକ୍ରମଣ ପରେ ଦୁର୍ବୃତ୍ତମାନେ ଏକ ଗୁରୁଦ୍ୱାରା ଭିତରେ ଲୁଚି ରହିଛନ୍ତି । ପୋଲିସ ଗୁଳି ଚାଳନା କରି ୭ଜଣ ନିହଙ୍ଗଙ୍କୁ ଗିରଫ କରିଛି । ଏବେବି ଅନେକ ସେଠାରେ ଲୁଚି ରହିଛନ୍ତି । ପଂଜାବ ପୋଲିସ ସେମାନଙ୍କୁ ଗିରଫ କରିବା ପାଇଁ ପ୍ରୟାସ ଜାରି ରଖିଛି ।
Comments are closed.