ଝାରସୁଗୁଡା: ଝାରସୁଗୁଡା ଜିଲ୍ଲାର ବାଗଦେହି ଅଞ୍ଚଳର ଏକ ଜଙ୍ଗଲରୁ ସୋମବାର ଦିନ ଏକ ନବଜାତ ଶିଶୁକନ୍ୟା ଉଦ୍ଧାର ହୋଇଛି।
ସୂଚନା ଅନୁଯାୟୀ, ପରିତ୍ୟକ୍ତ ଶିଶୁଟିକୁ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ (ପିଇଓ) ଦେଖି ଉଦ୍ଧାର କରିଥିଲେ ଏବଂ ପରେ ନବଜାତ ଶିଶୁକୁ ପୋଲିସକୁ ହସ୍ତାନ୍ତର କରିଥିଲେ। ତେବେ କେଉଁ ପରିସ୍ଥିତିରେ ଏବଂ କିଏ ନବଜାତ ଶିଶୁକୁ ଜଙ୍ଗଲରେ ଫିଙ୍ଗି ଦେଇଛନ୍ତି ତାହା ଜାଣିବା ପାଇଁ ପ୍ରୟାସ ଜାରି ରହିଛି। ଯଦିଓ ଏଯାବତ୍ ଶିଶୁଟିର ପିତାମାତାଙ୍କ ପରିଚୟ ମିଳିନାହିଁ।
ସୂତ୍ର ଅନୁଯାୟୀ ଝାରମୁଣ୍ଡର ପିଇଓ ବାଗଦେହିର କାଦୋବାହଲ ଜଙ୍ଗଲ ଦେଇ ଯାଉଥିବା ସମୟରେ ଏକ ଶିଶୁର କାନ୍ଦ ଶୁଣିବାକୁ ପାଇଥିଲେ। ସବୁଆଡ଼େ ଖୋଜିବା ପରେ, ସେ ପଥର ଗଦା ନିକଟରେ କପଡ଼ାରେ ଗୁଡ଼ା ହୋଇଥିବା ଏକ ନବଜାତ ଶିଶୁକନ୍ୟାକୁ ପରିତ୍ୟକ୍ତ ଅବସ୍ଥାରେ ପଡ଼ିଥିବା ଦେଖିବାକୁ ପାଇଥିଲେ।
ପିଇଓ ଶିଶୁଟିକୁ ଉଦ୍ଧାର କରି ବାଗଦେହି ଆଉଟପୋଷ୍ଟରେ ପୋଲିସକୁ ହସ୍ତାନ୍ତର କରିଥିଲେ। ପରେ ଶିଶୁ କଲ୍ୟାଣ କମିଟି (ସିଡବ୍ଲୁସି) କୁ ସୂଚନା ଦିଆଯାଇଥିଲା। ଶିଶୁଟି ବର୍ତ୍ତମାନ ଏକ ହସ୍ପିଟାଲରେ ଚିକିତ୍ସିତ ହେଉଥିଲା ବେଳେ ତା’ର ସ୍ୱାସ୍ଥ୍ୟବସ୍ଥା ସ୍ଥିର ଥିବା ଜଣାପଡିଛି।
ତେବେ ଏନେଇ ଏକ ତଦନ୍ତ ଆରମ୍ଭ ହୋଇଛି।
Comments are closed.