କୁକୁରମାନେ ନୃତ୍ୟ କଲେ । ତାହାସହିତ ବିଶ୍ୱ ରେକର୍ଡ଼ ବି କଲେ । ଗୋଟେ କି ଦୁଇଟି ନୁହେଁ ଏକାଥରକେ୧୪ କୁକୁର ଏକାଠି କଙ୍ଗୋ ନୃତ୍ୟ କରି ତିଆରି କରିଛନ୍ତି ଗିନିଜ୍ ୱାର୍ଲ୍ଡ ରେକର୍ଡ଼ । ଏବେ ସୋସିଆଲ ମିଡ଼ିଆରେ ୧୪ କୁକୁରଙ୍କ ଏହି ନୃତ୍ୟ ଖୁବ୍ ଭାଇରାଲ ହେଉଛି ।
ମୂଳତଃ ଜର୍ମାନୀବାସିନ୍ଦା ୱୋଲଫଗଙ୍ଗ ଲନବର୍ଗ ଜଣେ ନୃତ୍ୟପ୍ରେମୀ । ନିଜେ ନୃତ୍ୟ କରିବା ସହ ଅନ୍ୟଙ୍କୁ ବି ନୃତ୍ୟ ଶିଖାଇବାରେ ସଉକ ରଖନ୍ତି । ଏହାସହିତ କୁକୁର ରଖିବା ତାଙ୍କର ଆଉଗୋଟେ ସଉକ । ନିଜ ପାଖରେ ପାଳିଛନ୍ତି ୧୪ଟି କୁକୁର । ଥରେ ସେ ମନସ୍ଥ କଲେ କୁକୁରମାନଙ୍କୁ ନେଇ କିଛି ନୂଆ କରିବାକୁ । ମନକୁ ଆସିଲା ନୃତ୍ୟ । ଅନେକ ସମୟରେ କୁକୁରଙ୍କୁ ବିଭିନ୍ନ ପ୍ରକାର କୌଶଳର ତାଲିମ ଦେଉଥିବା ଲନବର୍ଗ କୁକୁରଙ୍କୁ ନୃତ୍ୟ କରାଇ ବିଶ୍ୱ ରେକର୍ଡ଼ କରିବେ । ଏହି ନିଶାରେ ନିଜର ୧୪ କୁକୁରଙ୍କୁ ନେଇ କଙ୍ଗୋ ନୃତ୍ୟ କରିବାକୁ ମନସ୍ଥ କଲେ । ଏଥିପାଇଁ ଆରମ୍ଭ କଲେ ପ୍ରସ୍ତୁତି । ଆଉ ଶେଷରେ ସେହି କଙ୍ଗୋ ନୃତ୍ୟରେ କୁକୁରଙ୍କୁ ନଚାଇ ସେ ହାସଲ କଲେ ଗିନିଜ୍ ୱାର୍ଲ୍ଡ ରେକର୍ଡ଼ ।
କଙ୍ଗୋ ହେଉଛି ଏକ ଲାଟିନ୍ ଆମେରିକୀୟ ନୃତ୍ୟଶୈଳୀ । ଏହି ୧୪ କୁକୁରଙ୍କ ନାମକରଣ ନିଜେ କରିଛନ୍ତି ଲନବର୍ଗ । ସେମାନେ ହେଲେ ଏମା, ଫିଲୋ, ଫିନ୍, ସାଇମନ୍, ସୁସି, ମାୟା, ଅଲଫ୍, ସ୍ପେକ୍, ବିବି, କୃତି, ଜେନିଫ,ର୍ ଏଲଭିସ୍, ଚାର୍ଲି ଏବଂ କ୍ୟାଟି । ଏମାନେ ସମସ୍ତେ ଲନବର୍ଗଙ୍କ ପେଟ୍ । ଗିନିଜ ବୁକ୍ ଅଫ ୱାର୍ଲ୍ଡ ରେକର୍ଡ଼ ପାଇଁ ଯେତେବେଳେ ବିଚାରପତିଙ୍କ ପ୍ୟାନେଲ ସମ୍ମୁଖରେ ଏହି ୧୪ କୁକୁର ଏକାଠି ନୃତ୍ୟ କଲେ, ତାକୁ ଦେଖି ବିଚାରପତିଙ୍କ ସମେତ ସବୁ ଦର୍ଶକ ଆଶ୍ଚର୍ଯ୍ୟ ହୋଇଗଲେ । ଗିନିଜ ୱାର୍ଲ୍ଡ ରେକର୍ଡର ଅଫିସିଆଲ୍ ଟ୍ୱିଟରରେ ଏହାର ଏକ ଭିଡ଼ିଓ ସେୟାର କରାଯାଇଛି । ଏହି ଭିଡ଼ିଓରେ ଲନବର୍ଗ ନିଜ କୁକୁରକୁ ନିର୍ଦ୍ଦେଶ ଦେଉଥିବା ବେଳେ କୁକୁରମାନେ ମଧ୍ୟ ତାଙ୍କ ନିର୍ଦ୍ଦେଶକୁ ପାଳନ କରି ଜଣକ ପରେ ଜଣେ ନୃତ୍ୟ କରୁଥିବା ଦେଖିବାକୁ ମିଳିଛି । ଦୁଇଦିନ ତଳେ ଏହି ଭିଡ଼ିଓ ପୋଷ୍ଟ କରାଯାଇଥିଲା,ଯାହାକୁ ଏବେ ଲକ୍ଷାଧିକ ଲୋକ ଦେଖିସାରିଲେଣି ।
BREAKING NEWS
- ରାଜ୍ୟରେ ପ୍ରଚଣ୍ଡ ଗ୍ରୀଷ୍ମ ପ୍ରବାହ: ଅଂଶୁଘାତରେ ଗଲା ଜଣଙ୍କ ଜୀବନ
- ଗୃହମନ୍ତ୍ରୀଙ୍କ ଫେକ୍ ଭିଡିଓ ପୋଷ୍ଟ କରିବା ପଡିଲା ମହଙ୍ଗା, ରେବନ୍ତ ରେଡ୍ଡୀଙ୍କୁ ସମନ ପଠାଇଲା ଦିଲ୍ଲୀ ପୋଲିସ
- ପୂର୍ବ ଭାରତର ସର୍ବବୃହତ ଏଚ୍ଆର୍ କନ୍କ୍ଲେଭ୍ ‘ସୋଆ ପ୍ରକ୍ସିମା -୨୦୨୪’ ଉଦ୍ଯାପିତ, ମାନବ ସମ୍ବଳ ଓ ଶିଳ୍ପ ବିଶେଷଜ୍ଞଙ୍କ ବୌଦ୍ଧିକ ଚର୍ଚ୍ଚା
- ବିରାଟ ପଟୁଆରରେ ଆସି ନାମାଙ୍କନ ପତ୍ର ଦାଖଲ କଲେ ବିଜେଡି ପ୍ରାର୍ଥୀନୀ ବର୍ଷା ସିଂ ବରିହା
- ନିର୍ବାଚନ ଆଚରଣ ବିଧି ଉଲଂଘନ ଅଭିଯୋଗରେ ଦୁଇ ଶିକ୍ଷକ ନିଲମ୍ବିତ
- ବାରିପଦା ବ୍ୟାଙ୍କ ଅଫ୍ ଇଣ୍ଡିଆର ଜୋନାଲ୍ ଅଫିସରେ ଅଗ୍ନିକାଣ୍ଡ
- କାରରୁ ଜବତ ହେଲା ୩୮୮ ଲିଟର ମଦ ସହ ୩୦ ହଜାର ନଗଦ ଟଙ୍କା, ୨ ଗିରଫ
- ପନ୍ତଙ୍କ ଜବରଦସ୍ତ ପ୍ରଦର୍ଶନ ସତ୍ୱେ ସଞ୍ଜୁଙ୍କ ସପକ୍ଷରେ ଚୟନ କମିଟି
- କଂଗ୍ରେସରୁ ଇସ୍ତଫା ଦେଲେ ଦୁଲାଲ ପ୍ରଧାନ
- ନିଆରା ଶୈଳୀରେ ନ୍ୟୁଜିଲାଣ୍ଡ ଟି୨୦ ବିଶ୍ୱକପ ପାଇଁ ଘୋଷଣା କଲା ଦଳ