ନୂଆଦିଲ୍ଲୀ: ମହାମାରୀ କରୋନା ସମୟରେ ଦେଶର ସମସ୍ତ କରଦାତା ନିଜ ଆୟର ୧୮ % ଜମା କରିବାକୁ ବାଧ୍ୟ । ଏନେଇ କିଛି ଦିନ ହେବ ସାମାଜିକ ଗଣମାଧ୍ୟମରେ ଚର୍ଚ୍ଚା ଜୋର ଧରିଛି ।
ତେବେ ଏହା କେତେ ସତ ଓ କେତେ ଗୁଜବ ଆସନ୍ତୁ ଜାଣିବା…
କରୋନା ମହାମାରୀ ସମୟରେ ଦେଶର ସମସ୍ତ କରଦାତା ନିଜ ଆୟର ୧୮ % ଜମା କରିବାକୁ ବାଧ୍ୟ ବୋଲି ଏକ ବିଧେୟକ ସରକାର ପ୍ରଣୟନ କରିବାକୁ ଯାଉଥିବା ବାର୍ତ୍ତା ହ୍ଵାଟ୍ସଆପରେ ଘୁରିବୁଲୁଛି । ଯାହା କେନ୍ଦ୍ର ସରକାରଙ୍କ ଦୃଷ୍ଟିକୁ ଆସିଥିଲା । ଏହାକୁ ପିଆଇବି ଫାକ୍ଟ ଚେକ ୟୁନିଟ ପକ୍ଷରୁ ଗୁଜବ ବୋଲି ସ୍ପଷ୍ଟ କରାଯାଇଛି । ଏହା ସମ୍ପୂର୍ଣ୍ଣ ମିଥ୍ୟା ଅଟେ ସରକାରଙ୍କର ଏଭଳି କୌଣସି ଯୋଜନା ନାହିଁ ବୋଲି ଏହି ସ୍ପଷ୍ଟୀକରଣରେ କୁହାଯାଇଛି ।
ଦାବି:ସମସ୍ତ କରଦାତାଙ୍କୁ ଆୟର 18% ବାଧ୍ୟତାମୂଳକଭାବେ ଜମା କରିବାକୁ ପଡିବ । ଏ ସମ୍ପର୍କିତ ଏକ ବିଧେୟକ ସରକାର ପ୍ରଣୟନ କରିବାକୁ ଯାଉଛନ୍ତି ବୋଲି ବାର୍ତ୍ତା ହ୍ଵାଟ୍ସଆପରେ ଘୁରିବୁଲୁଛି ।
ସତ୍ୟତା:ସରକାରଙ୍କର ଏଭଳି କୌଣସି ଯୋଜନା ନାହିଁ ।ଏହା ସମ୍ପୂର୍ଣ୍ଣ ମିଥ୍ୟା ଅଟେ । ଦୟାକରି ଏଭଳି ଗୁଜବ ପ୍ରସାରଣ କରନ୍ତୁ ନାହିଁ । pic.twitter.com/s515L0pCgj
— PIB in Odisha #StayHome #StaySafe (@PIBBhubaneswar) April 26, 2020
ତେବେ ଏପରି କୌଣସି ଚିଠି ଜାରି କରାଯାଇ ନାହିଁ ବୋଲି ପିଆଇବି ଫାକ୍ଟ ଚେକ ୟୁନିଟ ସ୍ପଷ୍ଟ କରିଛି । ଏଭଳି ଖବରକୁ ବିଶ୍ୱାସକୁ ନନେଇ କେବଳ ସରକାରୀ ଭାବେ ଦିଆଯାଇଥିବା ସୂଚନାକୁ ବିଶ୍ୱାସ କରିବା ସହ ଏଭଳି ଗୁଜବ ପ୍ରସାରଣ ନକରିବାକୁ ମନ୍ତ୍ରଣାଳୟ ପକ୍ଷରୁ ଅନୁରୋଧ କରାଯାଇଛି ।