ଅଦୀସ ଅବାବ: ୩୭୦୦୦ ଫୁଟ ଉପରେ ବିମାନ ଉଡୁଥିବା ବେଳେ ଏହାର ୨ ପାଇଲଟ ହଠାତ ଶୋଇ ପଡିଲେ । ତେବେ ଭାଗ୍ୟର କଥା ଉପଯୁକ୍ତ ସମୟରେ ପଦକ୍ଷେପ ନିଆଯିବା ଫଳରେ ଏହା ଦୁର୍ଘଟଣାଗ୍ରସ୍ତ ହେବାରୁ ବର୍ତି ଯାଇଥିଲା । ସୁଡାନର ଖାର୍ତୁମରୁ ଇଥିୟୋପିଆ ଯାଉଥିବା ବୋଇଂ ୭୩୭ ବିମାନ ଅଦୀସ ଅବାବ ବିମାନ ବନ୍ଦରରେ ଅବତରଣ କରିବା ଥିଲା । ବିମାନର ଦୁଇ ପାଇଲଟ ଶୋଇ ପଡିଥବାରୁ ଏଠାରେ ଅବତରଣ କରିବା ବଦଳରେ ଏହା କେବଳ ଚକ୍କର କାଟିଥିଲଏା । ଏୟାର ଟ୍ରାଫିକ କଂଟ୍ରୋଲ ପାଇଲଟଙ୍କୁ ବାରମ୍ବାର ମେସେଜ ପଠାଇଥିଲେ ମଧ୍ୟ ସେମାନେ ଜାଣି ପାରି ନ ଥିଲେ । ଏହା ପରେ ଏଟିସି ଆଲର୍ଟ ଜାରୀ କରିଥିଲା । ବିମାନଟି ଯେତେବେଳେ ରନୱେ କ୍ରସ କରିବାକୁ ଯାଉଥିଲା ଏହାର ଅଟୋପାଇଲଟ ଡିସକନେକ୍ଟ ହୋଇ ଯାଇଥିଲା । ଫଳରେ କ୍ୟାବିନ ମଧ୍ୟରେ ଆଲାର୍ମ ଜୋର ଜୋରରେ ବାଜିବାକୁ ଲାଗିଥିଲା । ଏହା ପାଇଲଟଙ୍କ ନିଦ ଭାଙ୍ଗିବା ପାଇଁ ଯଥେଷ୍ଟ ଥିଲା । ୨୫ ମିନିଟର ପରିଶ୍ରମ ପରେ ବିମାନକୁ ପାଇଲଟ ସୁରକ୍ଷିତରେ ଅବତରଣ କରାଇଥିଲେ । ପଛରେ ବିମାନ ଅଧିକାରୀମାନେ ୩ ଘଂଟା ଯାଂଚ କରିବା ପରେ ପରବର୍ତୀ ଉଡାନ ପାଇଁ ଅନୁମତି ପ୍ରଦାନ କରିଥିଲେ । ଅତ୍ୟଧିକ ପରିଶ୍ରମ ଏବଂ କ୍ଲାନ୍ତ ଯୋଗୁ ଦୁଇ ପାଇଲଟ ଶୋଇ ପଡିଥିଲେ ବୋଲି ରିପୋର୍ଟରେ ଦର୍ଶାଯାଇଥିଲା ।
Comments are closed.