ବାଲେଶ୍ୱର:ଯୁକ୍ତ ଦୁଇ ପରୀକ୍ଷା ଫଳ ବାହାରିବା ପରେ ସାମ୍ନାକୁ ଆସିଛି ଦୁଃଖଦ ଘଟଣା । ଯୁକ୍ତ ଦୁଇ ସାଇନ୍ସରେ ୨ଶ୍ରେଣୀରେ ପାସ କରିଥିବା ଜଣେ ଛାତ୍ରୀ ବୁଧବାର ଆତ୍ମହତ୍ୟା ଉଦ୍ୟମ କରିଛନ୍ତି । ପରୀକ୍ଷା ଫଳ ଜାଣିବା ପରେ ଛାତ୍ରୀ ଜଣକ ନିଜ ଘରର ତିନି ମହଲା ଛାତରୁ ଡେଇଁ ପଡିଛନ୍ତି । ଘଟଣା ଘଟିଛି ବାଲେଶ୍ୱର ଜିଲ୍ଲା ନୀଳଗିରି ଅଞ୍ଚଳରେ ।
ନୀଳଗିରି ଏନଏସିର ସିମୁଳିଆ ଗାଁର ଲକ୍ଷ୍ମଣ ମହଲଙ୍କ ଝିଅ ଇତିଶ୍ରୀ ଯୁକ୍ତ ଦୁଇ ପରୀକ୍ଷା ଦେଇଥିଲେ । ଆଜି ତାଙ୍କର ରେଜଲ୍ଟ ବାହାରିଥିଲା । ରେଜଲ୍ଟ ଶୁଣିବା ପରେ ମାନସିକ ଭାବେ ଭାଙ୍ଗି ପଡିଥିଲେ ଇତିଶ୍ରୀ । ତିନିମହଲା କୋଠା ଉପରକୁ ଯାଇ ଡେଇଁ ପଡିଥିଲେ । ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଛି । ତାଙ୍କ ଅବସ୍ଥା ଗୁରୁତର ଅଛି । ତାଙ୍କୁ ନୀଳଗିରି ଡାକ୍ତରଖାନାରୁ ତାଙ୍କୁ ଜିଲ୍ଲା ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ।
Comments are closed.