ଚେସ୍ ଅଲିମ୍ପିଆଡ୍‌ର ଶୁଭାରମ୍ଭ

ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ସହିତ ଚେସ୍ ଅଲିମ୍ପିଆଡ୍‌ର ଶୁଭାରମ୍ଭ ହୋଇଛି । ତାମିଲନାଡୁ ମୁଖ୍ୟମନ୍ତ୍ରୀଙ୍କ ଏମ ଷ୍ଟାଲିନଙ୍କ ଉପସ୍ଥିତିରେ  ଜବାହରଲାଲ ନେହେରୁ ଇଣ୍ଡୋର ଷ୍ଟାଡିୟମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ   ଚେସ୍ ଅଲିମ୍ପିଆଡ୍‌ର ୪୪ତମ ସଂସ୍କରଣକୁ ଉଦ୍‌ଘାଟନ କରିଛନ୍ତି।

#WATCH | Five-time world chess champion Viswanathan Anand hands over the #ChessOlympiad torch to PM Narendra Modi and Tamil Nadu CM MK Stalin.

The torch was then handed over to young Grandmaster R Praggnanandhaa and others at Jawaharlal Nehru Stadium in Chennai. pic.twitter.com/lXeDW4wRam

— ANI (@ANI) July 28, 2022

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଚେନ୍ନାଇର ଜେଏଲ୍‌ଏନ୍ ଇନଡୋର ଷ୍ଟାଡିୟମରେ ୪୪ ତମ ଚେସ୍ ଅଲିମ୍ପିଆଡ୍ ଶୁଭାରମ୍ଭ କରିଛନ୍ତି । ଏହି ଅବସରରେ ତାମିଲନାଡୁର ରାଜ୍ୟପାଳ ଶ୍ରୀ ଆର ଏନ ରବି, ତାମିଲନାଡୁର ମୁଖ୍ୟମନ୍ତ୍ରୀ ଶ୍ରୀ ଏମ କେ ଷ୍ଟାଲିନ, କେନ୍ଦ୍ର ମନ୍ତ୍ରୀ ଶ୍ରୀ ଅନୁରାଗ ସିଂହ ଠାକୁର, ଶ୍ରୀ ଆର ମୁରୁଗନ ଏବଂ ଆନ୍ତର୍ଜାତୀୟ ଚେସ ମହାସଂଘ (ଏଫ୍‍ଆଇଡିଇ) ର ସଭାପତି ମଧ୍ୟ ଉପସ୍ଥିତ ଥିଲେ ।

ଏହି ସମାବେଶକୁ ସମ୍ବୋଧିତ କରି ପ୍ରଧାନମନ୍ତ୍ରୀ ସମଗ୍ର ଭାରତ ଏବଂ ବିଶ୍ୱରୁ ଆସିଥିବା ସମସ୍ତ ଖେଳାଳି ଏବଂ ଚେସ ପ୍ରେମୀଙ୍କୁ ସ୍ୱାଗତ କରିଥିଲେ । ସେ “ଆଜାଦୀ କା ଅମୃତ ମହୋତ୍ସବ” ସମୟରେ ପଡୁଥିବାରୁ ଘଟଣାର ମହତ୍ୱ ସଂକ୍ରାନ୍ତରେ ଉଲ୍ଲେଖ କରିଥିଲେ । ସେ ଆହୁରି ମଧ୍ୟ କହିଛନ୍ତି ଯେ ଚେସରେ ସବୁଠାରୁ ସମ୍ମାନଜନକ ଟୁର୍ନାମେଣ୍ଟ ଚେସର ଘର ଭାରତକୁ ଆସିଛି ।

ପ୍ରଧାନମନ୍ତ୍ରୀ ଉଲ୍ଲେଖ କରିଛନ୍ତି ଯେ ୪୪ ତମ ଚେସ୍ ଅଲିମ୍ପିଆଡ୍ ଅନେକ ପ୍ରଥମ ଏବଂ ରେକର୍ଡର ଏକ ଟୁର୍ନାମେଣ୍ଟଣ୍ଟ ହୋଇଛି । ଚେସ୍ ଅଲିମ୍ପିଆଡ୍ ପ୍ରଥମ ଥର ପାଇଁ ଭାରତର ଚେସ୍‌ର ଉତ୍ପତି ସ୍ଥାନରେ ଅନୁଷ୍ଠିତ ହେଉଛି । ୩ ଦଶନ୍ଧି ମଧ୍ୟରେ ଏହା ପ୍ରଥମ ଥର ପାଇଁ ଏସିଆକୁ ଆସିଛି । ଏଥିରେ ସର୍ବାଧିକ ଦେଶ ଅଂଶଗ୍ରହଣ କରିଛନ୍ତି । ଏଥିରେ ସର୍ବାଧିକ ଦଳ ଅଂଶଗ୍ରହଣ କରିଛନ୍ତି । ଏଥିରେ ମହିଳା ବିଭାଗରେ ସର୍ବାଧିକ ସଂଖ୍ୟକ ଯୋଗଦାନ ରହିଛି । ଚେସ ଅଲିମ୍ପିଆଡ଼ର ପ୍ରଥମ ଧରଣର ଟର୍ଚ୍ଚ ରିଲେ ଏଥର ଆରମ୍ଭ ହୋଇଥିବା ସେ କହିଛନ୍ତି ।

ଚେସ ସହିତ ତାମିଲନାଡୁର ଦୃଢ ଐତିହାସିକ ସମ୍ପର୍କ ରହିଛି ବୋଲି ପ୍ରଧାନମନ୍ତ୍ରୀ ଦର୍ଶାଇଛନ୍ତି । ଏହି କାରଣରୁ ଏହା ଭାରତ ପାଇଁ ଏକ ଚେସ୍ ପାୱାରହାଉସ୍ । ଏହା ଭାରତର ଅନେକ ଚେସ୍ ଗ୍ରାଣ୍ଡମାଷ୍ଟର ସୃଷ୍ଟି କରିଛି । ଏହା ସର୍ବଶ୍ରେଷ୍ଠ ମନୋଭାବ, ଜୀବନ୍ତ ସଂସ୍କୃତି ଏବଂ ଦୁନିଆର ସର୍ବ ପୁରାତନ ଭାଷା ତାମିଲର ଘର ଅଟେ ।

ପ୍ରଧାନମନ୍ତ୍ରୀ କହିଛନ୍ତି ଯେ କ୍ରୀଡା ସୁନ୍ଦର, କାରଣ ଏଥିରେ ଏକଜୁଟ ହେବାର ଅନ୍ତର୍ନିହିତ ଶକ୍ତି ଅଛି । କ୍ରୀଡା ବ୍ୟକ୍ତି ଏବଂ ସମାଜକୁ ନିକଟତର କରିଥାଏ । କ୍ରୀଡା ଦଳଗତ କାର୍ଯ୍ୟର ଏକ ଆବେଗର ପ୍ରତିପୋଷଣ କରେ । ପ୍ରଧାନମନ୍ତ୍ରୀ ଦର୍ଶାଇଛନ୍ତି ଯେ ବର୍ତ୍ତମାନ ଭଳି ଭାରତରେ କ୍ରୀଡା ପାଇଁ ଭଲ ସମୟ କେବେ ହୋଇ ନାହିଁ । ଅଲିମ୍ପିକ୍ସ, ପାରାଲିମ୍ପିକ୍ସ ଏବଂ ବଧିର ଅଲିମ୍ପିକ୍ସରେ ଭାରତର ସର୍ବଶ୍ରେଷ୍ଠ ପ୍ରଦର୍ଶନ ଥିଲା । କ୍ରୀଡା କ୍ଷେତ୍ରରେ ମଧ୍ୟ ଆମେ ଗୌରବ ହାସଲ କରିଥିଲୁ ଯେଉଁଠାରେ ଆମେ ପୂର୍ବରୁ ଜିତି ନଥିଲୁ ବୋଲି ସେ କହିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ ଦୁଇଟି ଗୁରୁତ୍ୱପୂର୍ଣ୍ଣ କାରଣର ସମ୍ପୂର୍ଣ୍ଣ ମିଶ୍ରଣ ହେତୁ ଭାରତର ଖେଳ ସଂସ୍କୃତି ଅଧିକ ଶକ୍ତିଶାଳୀ ହେଉଛି । ଯୁବକମାନଙ୍କର ଶକ୍ତି ଏବଂ ସକ୍ଷମ ପରିବେଶ ।

ପ୍ରଧାନମନ୍ତ୍ରୀ ମନ୍ତବ୍ୟ ଦେଇଛନ୍ତି ଯେ କ୍ରୀଡ଼ାରେ ପରାଜୟ ନାହିଁ । ସେଠାରେ ବିଜେତା ଅଛନ୍ତି ଏବଂ ଭବିଷ୍ୟତର ବିଜେତା ମଧ୍ୟ ଅଛନ୍ତି । ସେ ୪୪ ତମ ଚେସ ଅଲିମ୍ପିଆଡରେ ସମସ୍ତ ଦଳ ଏବଂ ଖେଳାଳିଙ୍କ ସଫଳତା କାମନା କରିଥିଲେ ।

ପ୍ରଧାନମନ୍ତ୍ରୀ ମଧ୍ୟ ଜୁନ ୧୯, ୨୦୨୨ ରେ ନୂଆଦିଲ୍ଲୀର ଇନ୍ଦିରା ଗାନ୍ଧୀ ଜାତୀୟ ଷ୍ଟାଡିୟମରେ ପ୍ରଥମ ଥର ପାଇଁ ଚେସ ଅଲିମ୍ପିଆଡ ଟର୍ଚ୍ଚ ରିଲେର ଶୁଭାରମ୍ଭ କରିଥିଲେ । ଏହି ଟର୍ଚ୍ଚ ରିଲେ ସୁଇଜରଲ୍ୟାଣ୍ଡରରେ ଥିବା ଏଫ୍‍ଆଇଡିଇର ମୁଖ୍ୟାଳୟକୁ ଯିବା ପୂର୍ବରୁ ୪୦ ଦିନ ଧରି ଦେଶର ୭୫ ଟି ପ୍ରମୁଖ ସ୍ଥାନକୁ ଯାଇ ୨୦,୦୦୦ କିଲୋମିଟର ଅତିକ୍ରମ କରି ମହାବଳିପୁରମରେ ଶେଷ ହୋଇଥିଲା ।

ଚେନ୍ନାଇରେ ଜୁଲାଇ ୨୮ ରୁ ଅଗଷ୍ଟ ୯, ୨୦୨୨ ପର୍ଯ୍ୟନ୍ତ ୪୪ ତମ ଚେସ୍ ଅଲିମ୍ପିଆଡ୍ ଅନୁଷ୍ଠିତ ହେଉଛି । ୧୯୨୭ ମସିହାରୁ ଆୟୋଜିତ ଏହି ସମ୍ମାନଜନକ ପ୍ରତିଯୋଗିତା ପ୍ରଥମ ଥର ପାଇଁ ଭାରତରେ ଏବଂ ୩୦ ବର୍ଷ ପରେ ଏସିଆରେ ଆୟୋଜିତ ହେଉଛି । ୧୮୭ ଟି ଦେଶ ଅଂଶଗ୍ରହଣ ସହିତ ଯେକୌଣସି ଚେସ ଅଲିମ୍ପିଆଡ଼ରେ ଏହା ସବୁଠାରୁ ବଡ ଅଂଶଗ୍ରହଣ ଅଟେ । ୬ ଟି ଦଳରେ ୩୦ ଜଣ ଖେଳାଳିଙ୍କୁ ନେଇ ପ୍ରତିଯୋଗିତାରେ ଭାରତ ମଧ୍ୟ ଏହାର ବୃହତ୍ତମ ଦଳକୁ ଖେଳାଉଛି ।