ଡବଲ୍ ଇଞ୍ଜିନ ବନାମ ଯୁବରାଜ: ବିହାର ରାଲିରେ ବିରୋଧୀଙ୍କ ଉପରେ ବର୍ଷିଲେ ମୋଦି

ପାଟନା: ଦ୍ୱିତୀୟ ପର୍ଯ୍ୟାୟ ନିର୍ବାଚନ ପାଇଁ ଆଜି ବିହାରରେ ଥମିବ ପ୍ରଚାର । ଶେଷ ଦିନରେ ମାରାଥନ ରାଲି କରୁଛନ୍ତି ବିଜେପିର ଷ୍ଟାର ପ୍ରଚାରକ ତଥା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଛପରା ସମାବେଶରେ ବିରୋଧୀଙ୍କ ଉପରେ ମନଇଚ୍ଛା ବର୍ଷିଛନ୍ତି । ପ୍ରଥମ ପର୍ଯ୍ୟାୟ ମତଦାନରୁ ବିହାରରେ ପୁଣି ଥରେ ଏନଡିଏ ସରକାର ଗଢ଼ିବ ବୋଲି ଦମ୍ଭ ଦେଖାଇଛନ୍ତି ମୋଦି ।

ନାଁ ନନେଇ ତେଜସ୍ୱୀ ଯାଦବ ଓ ରାହୁଲ ଗାନ୍ଧିଙ୍କୁ ନିର୍ବାଚନୀ ସଭାରୁ ଟାର୍ଗେଟ କରିଥିଲେ ନରେନ୍ଦ୍ର ମୋଦି । ସେ କହିଥିଲେ, ବିହାରରେ ଡବଲ୍ ଇଞ୍ଜିନ ସରକାର ବିକାଶ ଧାରାକୁ ତ୍ୱାରାନ୍ୱିତ କରିବା ଦିଗରେ କାମ କରୁଛି । କିନ୍ତୁ ଦୁଇ ଯୁବରାଜ ନିଜ ନିଜ ଆସନ ବଞ୍ଚାଇବାକୁ ଲାଗି ପଡ଼ିଛନ୍ତି ।

ବିହାର ନିର୍ବାଚନ ରାଲିରେ ଉତ୍ତରପ୍ରଦେଶର ଉଦାହରଣ ଦେଇ ରାହୁଲ-ଅଖିଳେଙ୍କ ପ୍ରତି ତୀର ମାରିଥିଲେ ମୋଦି । କହିଥିଲେ, ସେଠାରେ ଦୁଇ ଯୁବରାଜ ହାତ ମିଳାଇଥିଲେ । ଉତ୍ତରପ୍ରଦେଶ ଭଳି ବିହାର ଭୋଟ ବି ଏଠାକାର ଯୁବରାଜଙ୍କୁ ପ୍ରତ୍ୟଖାନ କରିବେ । ନୀତିଶ କୁମାରଙ୍କ ନେତୃତ୍ୱରେ ବିହାରରେ ଏନଡିଏ ସରକାର ଗଢ଼ିବ ବୋଲି ଦୋହରାଇଛନ୍ତି ମୋଦି ।

ଆଜି ଛପରା ସମେତ ବଗହା, ସମସ୍ତୀପୁର ଓ ମୋତିହାରୀରେ ନରେନ୍ଦ୍ର ମୋଦି ଏନଡିଏ ପ୍ରାର୍ଥୀଙ୍କ ପାଇଁ ମାରାଥନ୍ ପ୍ରଚାର କରିବେ । ଆସନ୍ତା ୩ ତାରିଖରେ ବିହାରରେ ଦ୍ୱିତୀୟ ପର୍ଯ୍ୟାୟ ମତଦାନ ରହିଛି । ୧୭ ଜିଲ୍ଲାର ୯୪ ବିଧାନସଭା ଆସନରେ ଭୋଟ ନିଆଯିବ ।