ଆଇଆଇଟି ଛାତ୍ରଛାତ୍ରୀଙ୍କୁ ମୋଦୀଙ୍କ ମନ୍ତ୍ର; ଦେଶ ତୁମକୁ ‘ଇଜି ଅଫ୍ ଡୁଇଂ ବିଜ୍ନେସ୍ ଦେବ’,ତୁମେ ଦେଶବାସୀଙ୍କୁ ‘ଇଜି ଅଫ୍ ଲିଭିଙ୍ଗ୍’ ଦିଅ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ କରୋନା ପରେ ବିଶ୍ୱ ସଂପୂର୍ଣ୍ଣ ରୂପେ ବଦଳିବାକୁ ଯାଉଛି। ପ୍ରଧାନମନ୍ତ୍ରୀ କହିଛନ୍ତି ଯେ କୋଭିଡ -୧୯ ବିଶ୍ୱକୁ ଆଉ ଗୋଟିଏ କଥା ଶିଖାଇଛି ଯେ ଜଗତୀକରଣ ଗୁରୁତ୍ୱପୂର୍ଣ୍ଣ କିନ୍ତୁ ଏଥି ସହିତ ଆତ୍ମନିର୍ଭରଶୀଳତା ମଧ୍ୟ ଗୁରୁତ୍ୱପୂର୍ଣ୍ଣ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ଆଜି ଭାରତ ଏହାର ଯୁବକମାନଙ୍କୁ ଇଜି ଅଫ୍ ଡୁଇଂ ବିଜ୍ନେସ୍ ଦେବାକୁ ପ୍ରତିଶ୍ରୁତିବଦ୍ଧ। ଯାହା ଦ୍ବାରା ଏହି ଯୁବକମାନେ ନୂତନ ଆବିଷ୍କାର ଫଳରେ ଦେଶାର କୋଟି କୋଟି ନାଗରିକଙ୍କ ଜୀବନରେ ପରିବର୍ତ୍ତନ ଆଣିପାରିବେ। ସେ କହିଛନ୍ତି ଯେ ଦେଶ ଆପଣଙ୍କୁ ଇଜି ଅଫ୍ ଡୁଇଂ ବିଜ୍ନେସ୍ ଦେବ, କେବଳ ଆପଣ ଦେଶବାସୀଙ୍କ ଇଜି ଅଫ୍ ଲିଭିଙ୍ଗ୍ ପାଇଁ କାମ କରନ୍ତୁ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଛାତ୍ରଛାତ୍ରୀମାନଙ୍କୁ ନୂତନ ଉଦ୍ଭାବନ ଆଣିବାକୁ ନିବେଦନ କରିଛନ୍ତି, ଦେଶରେ ଷ୍ଟାର୍ଟଅପ୍ ପାଇଁ ବହୁତ ସମ୍ଭାବନା ଅଛି। ପ୍ରଧାନମନ୍ତ୍ରୀ କହିଛନ୍ତି ଯେ ପ୍ରଥମ ଥର ପାଇଁ କୃଷି କ୍ଷେତ୍ରରେ ନୂତନତ୍ୱ ଏବଂ ନୂତନ ଷ୍ଟାର୍ଟଅପ୍ ପାଇଁ ଏତେ ସମ୍ଭାବନା ସୃଷ୍ଟି ହୋଇଛି। ପ୍ରଥମ ଥର ପାଇଁ ସ୍ପେସ୍ ସେକ୍ଟରରେ ଘରୋଇ ନିବେଶର ରାସ୍ତା ଖୋଲିଛି।
ଏହାଛଡ଼ା ପ୍ରଧାନମନ୍ତ୍ରୀ କହିଛନ୍ତି ଯେ ଆଜି ପ୍ରତ୍ୟେକ କ୍ଷେତ୍ରର ସର୍ବାଧିକ ସମ୍ଭାବନା ହାସଲ କରିବା ପାଇଁ ଦେଶ ନୂଆ ଉପାୟରେ କାର୍ଯ୍ୟ କରୁଛି। ଯେତେବେଳେ ତୁମେ ଏଠାରୁ ଯାଇ, ଏକ ନୂତନ ସ୍ଥାନରେ କାମ କରିବ ସେତେବେଳେ ତୁମକୁ ମଧ୍ୟ ଏକ ନୂତନ ମନ୍ତ୍ର ସହିତ କାମ କରିବାକୁ ପଡିବ।